La felisidad

La felisidad

En la epoka ke estamos bivyendo en el mundo entero, no esta muy fasil de bivir orozos i sin problemas, seyga por los mansevos, seyga por los aedados.

Estas avyendo la televizyon u la radyo; las novelas estan enserrando las alas del korason. La situasyon del pais ande estamos bivyendo no esta briyando.

Estas avlando kon amigos, no ay echos, la ekonomiya no esta buena, estan kitando munchos mansevos, porke ay una kriza ekonomika.

Los ke estan afuera del pais estan tornando atras, los ke estan aki se estan indo.

Todos, mas o menos estan pesimistos (kötümser) en pensando al futuro (gelecek), en todo modo de espasyo.

El estado psikolojiko (ruh hali) de munchas personas esta enfasyado (bıkkın).

Es por esta kavza ke kije partajar kon vozotros, keridos lektores, las formulas (formül) de bivir la vida kon felisidad (mutluluk).

Los psikologos estan dando emportansa a kuatro formulas de “Felisidad”.

Dar loores (şükretmek),

Estar sanos i rezyos (sağlıklı olmak),

Azer buendades i

Kerer byen al echo ke estas azyendo.

Dar loores: esta enaltesyendo (yükseltmek) la enerjiya de la persona, esta aminguando (azaltmak) la kanserya i las dolores (acılar).

Azer buendades: komo por egzempio vijitar un azilo de los aedados (yaşlı yurdu), ayudar a un vizino, eskrivir una letra a la granmama; esto todo esta azyendo pujar (arttırmak) la felisidad.

La felisidad es en primero la sanedad.

La felisidad esta en muestra mano.

Devemos de aminguar lo ke estamos asperando de la vida, arrepintirmos (vazgeçmek) de muestras ambisyones (hırs). Admeter (kabullenmek) i akseptar todas las kozas negras ke vyene a la kavesa de una persona, adaptarse a la situasyon mueva, para pueder kontinuar a bivir.

Lo mas emportante en la vida de una persona es la adaptasyon (uyum sağlama) a los evenementos muevos.

Kale azer munchos sakrifisyos (fedakarlık), rezistir a las difikultades (göğüs germek) i ser sezudos (olgun).

La kerensya (sevgi) es la felisidad (mutluluktur).

Para pueder bivir orozos, kale ser pozitivos (olumlu), bushkar a los paryentes i a los alliados (dost) akoruto (sık sık), aserkarmos de los ke keremos byen, tokarlos (dokunmak) i abrasarlos (sarılmak).

Garez (kin), aborresimyento (nefret), enemistad (düşmanlık) i espanto (korku) son kozas ke kale estar leshos de eyas, porke aminguan la enerjiya de la persona.

Tener tolerensya (hoşgörü) i pardonar al den frente.

Ser onesto, (dürüst), djusto (adil) i derecho (doğru).

La baza de la felisidad es kontertarse (yetinmek) de poko i ser lo ke sosh (kendin olabilmek).

Ser afektuozos i dar kerensya al den frente es emportante. Kale saver la valor de todo en su tyempo.

LA FELISIDAD es la primera klaredad, la primera luz del dia, es la de alkavo eskuridad de la noche.

LA FELISIDAD es la karesa (okşayış) de una madre, la mirada de un padre, i la riza de una kriatura.

LA FELISIDAD esta en la konosensya (bilgi), es el esforso (çaba) de ambezar todo.

LA FELISIDAD esta en la oja de una flor, en la ala (kanat) de un papiyon.

LA FELISIDAD esta en la vedrura mojada, ande se korye a pye deskalso.

LA FELISIDAD esta en la savor del chay ke se beve en una kupa de vidro.

Deke dizimos ke no estamos orozos kuando ay este karar de kavzos (neden) para estar orozos i bivir kon felisidad?

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın