Konferensia ‘Vıva Technology’ En Paris

Dora NİYEGO Judeo-Espanyol
21 Haziran 2017 Çarşamba

50.000 personas del mundo entero korieron por asistir a la segunda konferensia anual ‘Viva Technology’ en Paris. Vinieron no solo para segir la konferensia, ma tambien para eksperimentar las inovasiones prezentadas en la ekspozision de los 5.000 de los primeros de teknolojia

El muevo prezidente franses, Emmanuel Macron, asistio a la aviertura de VivaTech, el jueves ke pasimos. Esta konferensia tiene tambien el buto de formar relasiones kon las firmas lideres de teknolojia, komo Google, Facebook, IBM i Sanofi.

En la ekspozision, ay una parte dedikada a los developamientos israelianos. Este anyo, mas de trenta firmas israelianas estan vendiendo sus produktos en la ekspozision de Paris, i estan tambien lavorando para fortifikar sus koneksiones en el market global de teknolojia.

 El vis-prezidente, Jemekie Kletzkine, disho ke Israel es el lider pais en la inovasion de la teknolojia. “La nesesidad es la fuente (kaynak) de la inovasion. Israel tuvo menester de trokar su forma de lavorar porke este pais esta anturado de paises ke no son muy amistozos’.’ Israel tambien empeso a obtener su agua fasilmente’ disho el vis-prezidente.

“Oy, Israel esta resiklando (geri dönüşüm) el 85% de su agua. Espanya es el segundo en el mundo, kon 20% en la resiklasion de su agua”.

 Kletzkine disho ke la inovasion por un pais mansevo komo Israel, es la sola solusion. Kletzkine tambien disho ke en el sentro de la inovasion de Israel, esta viniendo la defansa”. “Israel tiene 400 inovasiones de siber-seguridad, i tambien 380 empresas dijitales (dijital sistem)”.

El direktor Eyal Barzilay de la siber-seguridad firma, WiseSec, es una prova (ispat) viviante. La inovasion de la firma, es un sistema de aplikasion de politika. Esta inovasion es ‘dispozitivos mobiles entelijentes’ (akıllı mobil cihazlar) ke evitan el rovo (çalınma) de las datas konfidansiales (gizli bilgiler). Barzilay disho ke el trusho a su lavoro la eksperiensia ke gano en el tiempo ke el servio en la Fuerza de Defensa de Israel.