Shelah leha

El puevlo judyo arivo al lugar nombrado Kodesh Barnea en los kavos del dizyerto de ‘Paran’. Arivando a este lugar, ya estavan muy serka de la tyerra prometido en un kurto tyempo ya puedian entrar a la tyerra de kanton, la tyerra prometida, del kri-yador i Moshe Rabenu, por konsolar al puevlo les dize: Ermanos miyos, ya vos aserkatesh a el lugar ke nos prometyo el kriyador; ya vos apronto la tyerra delantre vozotros. Suvid i apatronadvos de eya sigun la veluntad del kriyador sin myedo ni espanto de nada.

Malorozamente el puevlo  de akel tyempo no meresiya gozar de la tyerra bendicha i por sus mal konporto se deperdyeron i muryeron todos en akel dizyerto.

Las judyos sintyendo estas palavras de Moshe Rabenu, las entendyeron trokados i pensan ke por endelantre no van a tener mas protejador i es ke kon sus fuersa i en-telijensa tyenen ke sudjiguar la tyerra prometida. Sovre esto se van todos sin regla ni  respekto ande Moshe Rabenu i le dizen ke keren mandar eyos personas a esta tyerra. Porke es kual ken i veyan i ke les avizen kual es el Kamino ke van a tomar i kualas son la sivdades ke van a sudjiguar, i se olvidan enteramente ke Moshe Rabe-nu, sus pastor fidel esta kon eyos, i ke esto todo no apartyene a eyos de pensarlo.

El Todo Poderozo topa kon inivle sigun su alto saver de no defenderles esta de-manda, i le dyo orden a Moshe Rabenu de desharlos azer su veluntad, solamente ke le enkomendo ke mandara dodje personas onoradas kavesezas del puevlo, uno de kada triva, i ke no fueran kon djente ordinaryo, i le enkomendo ke la repuesta i lo ke vina vez ke se lo digan a Moshe Rabenu i ke entyendan ke el es sus kapo i rijidor.

Moshe Rabenu izo el komando del Todo Poderozo i tomo dodje personas una de kada trivo, i los mando a la tyerra de Kenaan, dizyendoles ke eskulkaran la tyerra en todos sus raportos, si es buena su klima i no. I la djente de ayi ke manera son, si son fuertes o flakos, pokos o munchos i las sivdades ke moran si son enkastelyados o son avyertas, i les dyo a entender la direksyon ke tyenen ke tomar.

Los eskulkadores aparte de Kalev ben Yefune i Yeoshua sin nun, dyeron un raporto desfavoravle, i kavzaron ke el puevlo judyo kedaron en el dizyerto 40 anyos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın