La selebrasion del Sinkuenten Aniversario de la Reunifikasion de Yerushalayim

La selebrasion del Sinkuenten Aniversario de la Reunifikasion de Yerushalayim

El mierkoles ke pasimos el 24 de Mayo, era el Dia de Yerushalayim anual de Israel, kon el aniversario de oro ke lo izo mas espesial este anyo.

Netanyahu se adreso a los partisipantes: ‘Ay sinkuenta anyos ke reunimos las dos partes de muestra kapital. No konkerimos, ma liberimos a Yerushalayim. Esto adresandome al mundo kon boz fuerte: Yerushalayim fue i siempre va ser la kapital de Israel. El Monte del Templo i el Muro Oksidental siempre van a estar en las manos de Israel’.

El prezidente Rivlin disho: ‘Yerushalayim no es el problema, Yerushalayim es la solusion”.

Un performansa de luz i boz projektado en las paredes de la Sivdad Vieja, i las performansas de los artistas Israelianos markaron el dia, i todos kantando el imno ‘Yerushalayim de Oro’.

Una nochada fue organizada en el Otel Leonardo Plaza de Yerushalayim a la kuala asistieron el Alkalde (belediye reisi) de Yerushalayim Nir Barkat, los ministros de Israel, miembros del Knesset, el governador viejo Mike Huckabee, i el ambasador de los Estados Unidos, David Friedman. El evento fue transmitido en bivo.

El viseministro de Relasiones Eksteriores, Tzipi Hotovely, disho: ‘Yerushalayim es el korason del puevlo judio, i en la Gerra de los Sesh Dias, el korason empeso a batir de muevo en la Tierra de Israel. Este amor entre el puevlo judio, i Yerushalayim es muy muy viejo’.

‘La administrasion de Trump es la primera administrasion de los Estados Unidos ke aksepto ke los asentamientos (yerleşim yerleri) no son un obstakulo para la pas. Por esto, es importante ke kontinuemos a la konstruksion: parkos por las kreaturas, eskolas, i kazas por las famiyas judias. Estas konstruksiones reprezentan la renovasion de la vida en la Tierra de Israel’.

El ministro de Kultura, Miri Regev, prezento el logo ofisial de las selebrasiones del sinkuenten aniversario de la Reunifikasion de Yerushalayim.

Regev disho ke el Logo del sinkuenten anyo esta kontando la reel istoria de Yerushalayim.

La eksplikasion del Logo: Debasho del 5, ay una arpa ke rekuerda a David, el Rey de Israel. El rey David fondo Yerushalayim komo muestra kapital 3.000 anyos antes. La kavesa del 5 es un leon ke es el simbolo de la sivdad moderna de Yerushalayim. El numero 5 mos rekuerda las trupas de los soldados 55, ke son la primera Fuerza de Defensa de Israel ke entraron a la Puerta de los Leones en el anyo 1967, i ke liberaron a Yerushalayim. Ariento del 0, estamos viendo la bandiera de Israel bolando enriva las murayas de Yerushalayim, komo lo izieron por la primera vez en la istoria, en el anyo 1967. La kolor del logo es la kolor de oro, komo la kantika profetika de Naomi Shemer, Yerushalayim Shel Zahav, ‘Yerushalayim de Oro’”.

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın