Dos konsyertos de muzika klasika

Esta semana vos va eskrivir sovre un konserto ke se va realizar un diya en fin de semana. Ya savesh ke en el mez de Ramadan kada munisipalidad organiza iftares (komida ke se kome dospues de diisiete oras de ayuno. No es solo las munisipali-dades ke organizan este modo de pransos. Mizmo siertas fondasyones i asosyasy-ones estan organizando este modo de pransos. La Komunidad Djudia fue la primera para organizar komidas de iftar en el Sentro Kultural de Neve Şalom. I kada vez de-via de ser diferente. A la fin muestro prezidente Ibrahimzadeh prefero de dar pransos para los menesterozos i esto reelmente reusho.

Martes la noche, la Munisipalidad de Beşiktaş organizo en primero un konserto de muzika klasika kon la Orkestra Filarmonika de la Munisipalidad i en uno de los mas grande salones ke es el Salon de las  Performansas de Zorlu ke oy en diya es uno de los mas majestuozos.

Kreo ke este evenimiyento es una reforma en las resepsyones de Ramadan.

La Fondasyon IKSV (İstanbul Kültür ve Sanat Vakfı - Fondasyon sovre el arte i la kultura en Estanbol) ke se formo anyos antes i reelmente lavora komo una ora i or-ganiza festivales de filmos, de muzika klasika, djaz i todo modo de evenimientos bi-enales, este anyo tiene su festival de muzika entre el 29 de Mayo i el 21 de Djunio. Ay anyos ke dezeava ke organizen un konsyerto en una sinagoga o en siertos bati-mientos del Anadolu Kulübü en la Isla de Prinkipo (Büyükada). En el Bienal de Es-tanbol ke se realizo dos anyos antes la isla de Büyükada fue un lugar importante pa-ra ekspozar. Ma malorozamente el Klub Anadolu no pudo tomar lugar en esta akti-vidad. Ya se ke es el Kurator ke da karar para los lugares ande se va dar konsertos o ande se va ekspozar.

Kuando resivi el giador (rehber) del festival fui muy influensado viendo ke en el mizmo diya ay una seria de konsiertos en Yeniköy (kazal en el bodre de la mar en el Bosfor). El konsyerto se yama “Los Kaminos de la Muzika”. El diya empesa kon un dezayuno en el Yali (Palasio en el bodre de la mar) de Sait Halim Pasha. i el sinyor Mert Tamer va dar detalyos sovre las minoridades de Yeniköy i el Yali de Sait Halim Pasha. El primer konsyerto de kuarenta puntos va ser realizado en la Iglesia Surp Azdavadzadzin (Eglisya Ermenia), el segundo konsyerto se va realizar en el Yali de Sait Halim Pasha i dospues el treser en la Iglesia Grega Aya Yorgi ke se va realizar en trenta puntos; el kuatren va ser en la segunda Iglesia Grega Ortodoksa Panayia ande vamos a tener la okazyon de sintir el Ave Maria de Johann Sebastian Bach, el Beau Soir de Debussy, i el Clair de Lune de Gabriel Foure. El viaje de la muzika va topar fin en el Ofis Kultural de la Austria ke se topa en Yeniköy ande vamos a topar la okazyon de sintir siertos kantes de Franz Schubert i Johannes Brahms.

Siguro ke no es posivle de topar bilyetos para este diya maraviyozo. La semana pasada en una reunion de una asosyasyon estavamos endjuntos kon el prezidente de la Fondasyon de la Eglisya Grega i le dishe “komo reushites a organizar este konsyerto en vuestra eglisya?” I me respondyo ke les rogaron para pueder azer es-te konsyerto aya. Esto es reelmente mazal. De una parte yo me esto espedasando para pueder realizar este modo de aktividades; de la otra parte la IKSV esta de-mandando a las eglisyas de azer konsyertos...

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın