La Media Elektronika i la muzika en el Internet

La semana pasada en Estanbol se realizo una otra vez la Ekspozision Enternasyonal de los livros. Ay djusto 35 anyos ke se organiza esta ekspozision en muestra sivdad. En los primeros anyos en el otel “The Marmara” ke se topa en la Plasa de Taksim en el mas grande salon se organizava una chika ekspozisyon. Unos kuantos anyos despues fue en Tepebaşı, en los salones de Tüyap ke se realizo. I alkavo organizaron la Ekspozisyon de los livros en Beylikdüzü, un kuartier mas leshos del aeroporto. Ma komo es muy grande mas de setesyentas kazas de publikasyon toman lugar kon miles de livros. Savemos ke oy en dia, siertas personas meldan los livros en merkandolos elektronikamente i meldando kon los kompyuteres o instrumentos muevos ke son kreados.  Avlimos sovre las revistas elektronikas kuando “Aki Yerushalayim” dyo karar de no publikarla en papel. No esto siguro ke ay una grande proporsyon ke meldan los livros elekronikamente. (puedeser en Turkiya) ma es djusto ke vemos dos o tres personas ke meldan elektronikamente los livros en el katamaran; ma en enverano en las plajes vemos las personas mizmo los turistos ke meldan en las plajes ma en livros. Savemos ke los fransezes i los almanes meldan mas muncho, ma meldan de los livros. Yo kreo ke va kontuneyar a meldar los livros i las revistas en tokando el papel.

Kuando era mansevo sintiamos la muzika en los pikapes – siertos teniamos el Dual ke era la mijor marka - kon diskos de 33 o de 45 tures. Dospues salio las kasetas i en las arabas se empleava solo las kasetas – Philipps era el primer ke produizo esto; anyos despues mos salio los CDs. Kreo ke fue el mijor instrumento para sintir la muzika. I mas rezio porke teniamos problemes kon los diskos porke kalia azer atansion para no dar danyo. Komo no mos kedamos repozados i si no topimos una koza mueva tornamos a lo viejo, despues de vente o trenta anyos de muevo empesimos a interesarmos en los diskos mas karos i dizen ke la kualidad de la muzika es mas buena. I agora se topa los albumes en diferentes formas: en diskos o en CDs. Mizmo ay formas ande puedesh merkar los albumes o siertas kantikas del internet i sintir las kantikas en el komputer. Mizmo si tenesh la kapasidad de publikar CDs no es bastante de venderlas en los magazenes de CDs, ma es emportante de vender las kantikas o el albüm en el internet.

Kero konfesar (itiraf etmek) ke no me plaze kozas elekronikas mizmo si estudyi elektronika en la universita i mizmo si so enjenyor de elektronika.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın