Kualo keremos ke se Realıze en el anyo muevo

Kualo keremos ke se  Realıze en el anyo muevo

Roshashana es el tiempo kuando mos metemos enfrente del Dio, i le rogamos ke muestros dezeyos se realizen en el anyo vinyendo. Ma, antes de todo, en primero, lo rengrasiamos por todo lo ke mos dio, i le rogamos de darmos sanedad, i fuersa para pueder gerreyar kon las difikultades ke rankontramos kada diya.

Los obstaklos ke mos empedian (engellemek) de realizar muestros dezeyos son muestras kreensas yerradas, muestros dezeyos irrealistos, i los defektos de muestro karakter.

Kale ke akseptemos ke el Dio mos kreo a kada uno kon diferentes talentos (yetenek), i ke dinguno de mozotros es perfekto. Ma, mezmo ke no semos perfektos, el Dio mos dio estos talentos para ke los empleyemos. El Dio mos embiya tambien munchas oportunidades para ke los puedamos empleyar.

La persona ke inyega sus defektos, no puede tener objektos realistos. Si konosemos muestros talentos, i akseptamos muestros defektos, akeya vez puedemos alkansar a lo ke keremos.

Konoserse a si, i kererse bien a si, toma tiempo. En lugar de demandarme de mi para mi, ‘Komo puedo ser komo esta persona ke es tan reushida?’, kale ke me demande, ‘Komo puedo empleyar mis talentos, i las fuersas ke el Dio me dio, para pueder realizar mis objektos’. Naturalmente, el dezeyo ke tengo, kale ke akorde kon mi karakter. En siendo ‘YO’, en siendo pasensioza, i en empleyando mis fuersas, puedo reushir a alkansar mis objektos.

Reushir a alkansar muestro objekto de la primera vez, munchas vezes, no es posivle. Munchas vezes mos yerramos, no puedemos reushir. Mezmo Moshe Rabeno, no pudo reushir de la primera vez, a kitar a los judios de Ejipto, mezmo ke el Dio le aviya prometido de ayudarle.

Munchas vezes, el Dio mos prova, en permetendomos ke agamos yerros, porke El kere saver si mos estamos kreendo en muestro objekto.

El Dio mos djuzga segun los esforsos ke azemos, i no segun muestra reushita. En el judaizmo, ‘Reushir es pueder konoserse a si’. Kale ke digamos, ‘Esto azyendo todo mi pueder kon mis esforsos, para pueder reushir’.

Vos sueto a todos una anyada buena kon sanedad i alegriya, i vos sueto ke vuestras orasiones se realizen en el anyo muevo.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın