Enkontros de la Vida

Judeo-Espanyol
23 Eylül 2021 Perşembe

Süzet Herman

Una mujer ke mora en la Almanya se hue kon su inyeta a un parko.
Su inyeta se suvyo a una kuna i eya la estava meneyando.
En esto la kreyatura le disho a su nona unas kozas ande eya no entendyo. La nona le demando:
Ne oldu? La inyeta se lo repeto.
En esto un ombre de una sierta edad, ke vino al parko kon su inyeta se aserko de la mujer i le demando: Es ke sos Turka?
La mujer le disho, Si
El ombre le disho, Mira lo ke vos va kontar.
Mi nono vino a morar a la Almanya kon su madre kuando teniya 3 anyos. El vino de la Turkiya. I no avlo nunka en Turko.
Bivyo i lavoro en la Almanya. Un diya ke selebrimos su aniversaryo de 80 anyos, en supito se agoto, i peryo su konsensya. Kedo 15 diyas en koma. Kuando se esperto del koma mos disho: Ne oldu?
No entendimos nada.
Porke este biervo mos paresyo ke era en ebreyo. I en ebreyo (Noldu) kere dizir (Nasyeron.)
Ma mi nono no konosiya el ebreyo. I es despues de muncho tyempo ke supimos ke disho, Ne oldu. Lo ke es en Turko: ke afito.
Los doktores mos disheron ke despues de un koma se puediya akodrar de su chikes. I avlar la lingua ke se ambezo en primero de su vida.
I es el solo biervo ke yo konosko en Turko.
Despues de esta konversasyon el ombre kon la mujer se izyeron amigos para la vida.
Komo de rankontros ke ay en el mundo. Un biervo izo reunir a dos personas.

Siz de yorumunuzu yapın

Tüm Yorumları Görün