LA VAKUNA

Judeo-Espanyol
5 Ağustos 2021 Perşembe

Süzet Herman

Antes 20 diyas por tresera ves me ize la vakuna Biyontek. Para bueno ke seya. De detras del ospital de la Buyukada, ay una baraka. Mos metyeron al rango i una infirmiera mos yamo kon muestros nombres unos a unos.
Esto era de ver.
Unos ya estavan muy kontentes de vakunarsen. Otros se estavan espantando.
Esto me izo en el ojo, komo un filmo de kreyaturas ke ya keriya de muncho eskrivir.
El LEON ordeno:
Todos los animales, del chiko al grande devesh de vakunarvos.
I todos vash a vinir delantre de mi kaza i vos vash a meter al rango, i LEONIKO mi ijo vos va vakunar. Un panik grande ampeso entre los animales del boske.
Ampesaron a demandarsen los unos a los otros:
Kualo es esta vakuna?
Sera bueno de vakunarmos?
El LEON ordeno i mas no le salyo la boz.
Delantre la kola estava el ratoniko. El entro a la baraka se vakuno, i salyo en dizyendo; no me endjido.
De detras entro el taushan, i el salyo en saltando i dizyendo ke hue un solo minuto.
De detras vino el sindjap, i el salyo en baylando i riyendo.
Agora era el torno del Elefante.
El elefante muerto del sar, esta yorando i no kere ni echar paso.
El ratoniko, el tavusan, i el sindjap estan arondjando al elefante del popo kon todas sus fuersas.
El elefante yorando del espanto no kere avansar.
Keridos lektores esto era egzaktamente la foto de delantre la baraka ande mos estavamos vakunando. Provecho bueno ke veyamos.

 

Siz de yorumunuzu yapın

Tüm Yorumları Görün