17 Mayıs 2021 Pazartesi 02:45
Zen Poliklinik 1 nolu alan
Zen Poliklinik 1 nolu alan

Trenta sigundos sovre la istoria del djudeo-espanyol

Judeo-Espanyol 848 görüntüleme
14 Nisan 2021 Çarşamba

Aldo Sevi

En la mitad del siglo 16, 50 anyos después de la ekspulsión de Espanya, una nave espanyola ariva al porto de Estambol. El primer ofisier eskrive en su diario ke en Estambol se puede topar komunidades chikas ke avlan todas las linguas i todos los dialektos de la península ibérika. Alora, 50 anyos después de la ekspulsión los djudiós ekspulsados ke se aresentaron en Estambol i sus desendientes aínda no avían formado una komunidad unida, i aínda avlavan las linguas ke trusheron de ayá (kastilyano, katalán, aragonez, leonez, asturiano, portugez ets.).

A la fin del siglo 16, 100 anyos después de la ekspulsión, un ofisier de la armada espanyola ke fue tomado prizoniero (i le dieron permisión de alkilar una kamareta ande una famiya djudía asta ke su governo lo redima) deskrive una situasión muy diferente. Todos los djudiós en Estambol avlan entre eyos el kastilyano, ama es un kastilyano enviejesido.

Alora, puedemos konkluir ke el djudeo-espanyol de Estambol empesó a formarse entre 1550 i 1600 del kontakto entre todas las linguas de Espanya i Portugal avladas en la sivdad, la komunidad la mas grande i la mas prestijioza siendo la komunidad de los kastilyanos. Probavlamente un proseso similar afitó en todos los sentros sefaradís en el Imperio Otomano, ama en kada sentro la pezgor relativa de las linguas ibérikas era diferente. Ansina se ampesaron a formar los dialektos rejionales del djudeo-espanyol. Los kontaktos estrechos entre los sentros asiguraron la kreasión de una koiné, una lingua komún, ke sovrebivió asta muestros días. Malorozamente agora está en perikólo grande de ekstinksión, i kale ke agamos todo lo ke puedemos para mantenerla biva.


Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ