Este anyo, la Autoridad Nasyonala del Ladino tiene “El Dia Mundial del Ladino” el 17 de Marso a las 19:00 de Turkiya. Este dia simboliko se va selebrar en ZOOM, ma la audiensa va poder verlo i del YouTube i del Facebook. Por este diya tan espesial, preguntimos a el Ambasador de Espanya, el Sinyor Javier Hergueta lo ke pensa sovre este lingua i la kultura Sefardi.
Ay munchas aktividades diferentes en todo el mundo para prezervar el Judeo-Espanyol. En febrero uvo una aktividad muy ermoza en el Zoom organizada por el Sentro Kultural Sefardi en Estambol. Mos sorprendieron kon su prezensia i su diskurso en Ladino. Esta semana, el 17 de marzo, avra un “Dia Mundial del Ladino” en Israel. Ke es la importansia i el sinyifikado de esta lingua en la istorya i la memorya kolektiva de Espanya?
El día 21 de Febrero, selebrimos el mueven Dia Internasyonal del Ladino de Estambol. Achakez de la pandemia de COVID-19, este anyo se selebro por video-konferensia. La Embasada de Espanya en Turkiya apoyo plenamente este evento ke mete en relieve la erensia komun del puevlo Sefardi i el Ladino, tan bien konservada durante siglos en Turkiya i otros paizes del mundo. Dezeamos lo mijor a toda la komunidad Sefardi en esta okazyon i esperamos una selebrasyon personal el anyo ke viene, kuando eskaparemos de esta pandemia. Esta es una data para akodrar i selebrar endjuntos i esto siguro de ke podremos azerlo el anyo ke viene. Asta el 21 de febrero del anyo ke viene, kuando podamos selebrar djuntos este Dia Internasyonal del Ladino en Estambul.
