Kuando se termino el lavoro de el tabernaklo, vyendo Moshe Rabenu, ke todo esta custo sigun el komando del Todo Poderozo amostro su kontentes i los bendisho sovre el komando del Kriyador. Ordeno Moshe el mishkan el primer diya del mez Nisan de este anyo, i metyo kada koza en su orden. Los tavlas de la ley, ke estavan en su tyenda, los metyo dyentro el Aron Akodesh, ke izyeron de un palo de pino muy alavado, nombrado şito i kuvyerto de oro por adyentro i por afuera. Despues de azer todo lo ke enkomendo el sinyor de el mundo, se kuvryo el mishkan de una nuve. Esto fue un sinyal por el avenir. Ke dizde akel diya todo tyempo ke estava la nuve sovre el mishkan no se meneava el puevlo de onde estavan pozados. Kuando se alevantava la nuve, se levantavan el puevlo i se ivan kaminando asta ke posava otra vez la nuve sovre el mishkan i pozavan a eyos.
Despues de esto, al oçen diya lo yamo, i lo nomino Moshe i Aaron servitor grande del Kriyador (Koen gadol) delantre los savyos i el puevlo Cudyo. Despues de azer Aaron a Koen la seremoniya de los sakrifisyos sigun lo enkomendo Moshe. Vyeron todo el puevlo la onra del todo potente ke pozo sovre el mishkan delantre de todo el puevlo abasho fuego de los syelos sovre la ara MİZBEAH. Ke tomo todos los sakrifisyos, todo el puevlo no tuvyeron el koraje de sostenersen en pyes i se abokaron sovre sus fases i alavaron al Kriyador por esta ovra maraviyoza ke amostro kon eyos. En medyo de esta santa alegriya, le afita a Aaron un dezastre manzioz. Sus dos ijos Nadav i Aviu kijeron pasar sus limito i azer un sirvimyento al Kriyador no estuvo kontente de esto, i muryeron ai delantre. Aaron mostro akea ora su noble korason, i tomo el echo kon muncho pasensya sin pensar ni atristarse por nada syendo esto fue la veluntad del Kriyador.
La seremoniya de estre nomyente, se termino. Kon los donos i sakrifisyos ke izyeron los doce prezidentes de kada trivo.
Enpesando de este diya, ayegaron un kobran i trusheron mizma dono un prezidente kada diya.
