PESAH: LA FIYESTA DE LIBERTAD DEL KUERPO I LA ALMA

Rav Yeuda ADONİ Köşe Yazısı
21 Nisan 2011 Perşembe

En la fyesta de Pesah se avre la pajina primera de Yisrael komo una nasyon libera, en la istorya humana.

El avansa paso a paso en verso del dizyerto kon munça diffukultades, i kondisyones terribles.

Esto era el primer pasa de la libertad. Delivrar de las kadenas del esklavaje no es solo exteryor, o repozo del kuerpo de las suffriyensas fizikas. El kamino de la libertad reel, i efektivo ez muy diffisil la libertad verdadera no es solo salvasyon del lavoro del esklavaje. Los syenes de anyos del esklavaje enfluenso profondamente en la vida spritual en jeneral i endividual, de la kanserya fizika del kuero del esklavaje es maz fasil de salvarse ke de el esklavaje spritual.

El kansado, se repoza, le pasa la kanserya ma la persona ke su eprito esta roto i amargado non fasilmente puede salvarse de sus sintimyentos. Persona ke estava longo tyenpo en el mundo eskuro, no puede imedyatamente suportar una luz grande, no asemeja a lavar las manos sino ke kon el tyenpo se ausa a las kondisyones nuevas.

Korason dolorozo, su reaksyon en kada estado, pozetiv o negativ, ez muy emosyonante el  sufre de topar el ekilibro spritual i adaptarse las nuevas kondisyones.

Por esto el puevlo de Yisrael dospues de la salvasyon del esklavaje, paso una epoka de 40 anyos kon ke?as i mezmo revolusyones kontra Mo?e asta ke se la nueva jeneration se adapto a las nuevas kondisyones a la libertad.

El dizyerto fue una grande leson a la nasyon cudia, ansi tanbyen la Diaspora fue una grande eskola, asta ke fue fondado el estado de Yisrael.

Voz oguro un Pesah alegre i nuvedades buenas de Yisrael.