La peraşa de la semana / SHEMINI

Rav Yeuda ADONİ Köşe Yazısı
15 Nisan 2009 Çarşamba

La Perasha de la semana “Shemini” trata por las leyes del Kasherut. La Mitsva del Kasherut tyene grande emportansa en la vida Djudiya, i es una baza fondemental del Djudaizmo. Esta enkomendansa lo okupa al djudyo, kada diya partikularmente kuando esta ambyerto. Rambam: Maimonides dize: “Kol anizar badevarim elu mevi kedusha vetaara yeter a lanefesh”.

“El ke se a kavida en las enkomendansas del kasherut asigura su vida i puja santedad” La Tora nos dyo detalyos bastante klaros, para apartar, entre los animales puros, i enpuros, i kualos son permetidas, defendidos para komer.

Ningun Djudio en los tyempos pasados no supo si estas defensas sovre el Kasherut, danyava el kuerpo del ombre, eyos eran konvesidos, ke tenia el koraje de no ovedeser este orden, savian ke kontraryo es kitar toda konfiraryo es kitar toda konfiyansa en D. i renyegar a sufterne... Esta fuersa misteryoza, djugo grande rolo en la vida partikular del puevlo djudyo, eya supo mentener el verdadero karakter, malagrado ke Yisrael estava entre las nasyones, enfluensado por diferentes kulturas. “Agora dospues de 3000 anyos de la proklamasyon de la Ley en el monte Sinay, deskuvryo, la sensya grasyas a la bakteriolojia, ke egziste “mikropes” i “parazites” danyozos en las komidas defendidas.

Nozotros no tenemos menester de la atestasyon de  la sensya, nuestra ley es eternala komo dize Mishle:

“Derahea darhe noam vekol netivotea ?alom” Los preseptos de nuestra Ley son yenos de ermozura, i sus direktivas son en favour de nuestro kamino en la vida.”

Devemos alesharmos de las komidas defendides por nuestra ley, syendo, ke eyas son la kavza de danyar la partida spiritual ke egziste en nozotros.

Ken save si el nivelo moral relativamente ennaltesido ke supo Yisrael mantenerlo, en todos los tyempos, i kaji en todo lugar, no fue direktamente la gudria del Kasherut?