Una dulsurya ke se prepara en la rejion de Antalya sin asukar.
5 mansanas grandes
1/2 kupa de azete de oliva
1 kupa de muez
15 filas de baklava
1/2 kupa de miel
1 kuchara de kanela
Arope (Pekmez) para servir.
Despues de esprimir las mansanas, se adjusta la azete i la muez.
El tepsin se unta de azete.
Se toma 5 telas de fila de baklava, se unta kon azete entre kada tela i se mete la meatad de la mansana. Se mete ensima otras 5 telas de fila untadas de azete i el resto de la mansana, i enfin las 5 telas de fila sovradas para kuvrir.
El orno se kayenta a 170 grados.
Despues de 30 puntos la baklava esta pronta.
Se desha yelar i se sierve kon arope (pekmez).
.
SHANA TOVA !!!
