Eyal&Silvyo Ovadya
Un evenimyento, una dicha/un proverbo: El eskaso avansa “tres”, gasta “kuatro”- Cimri üç tasarruf eder, dört harcar
Una parientes muestra ke no es muy hovarda, mizmo ke lo konosemos por su eskasura, un dia kuando estavamos endjuntos me demando komo deviya de merkar una makina para enshugar los kaveyos.
I le dishe unas kuantas markas ke son renomadas i un dia si tyene un problem la rezolven. Ma komo es muy eskaso se fue a Tahtakale i merko una makina ke se vendiya en la kaye. I reelmente era muy barata. Torno a kaza i empeso a empleyar la makina. Despues de unas kuantas vezes no avia mas hayre de la makina i estava kitando un bruido komo una boz ronka. I me telefono demandando kualo deviya de azer. Le dishe de ir al vendedor - si lo topa - si no, le konti la mizma koza, lo ke devia de merkar. Despues ke torno a topar el vendedor i no lo topo, esta vez merko lo ke yo le avia dicho. Kuando konti esto a mi padre, me disho: “El eskaso avansa tres, gasta kuatro”.
Hovarda olmamasıyla bilinen, hatta cimri sınıfına giren bir akrabamız beraber olduğumuz bir gün bir saç kurutma makinesi alması gerektiğini ve ne tavsiye edebileceğimi sordu. Kendisine iyi bilinen birkaç markayı önerdim. Hatta bir sorunla karşılaşırsa da aldığı yerin mutlaka da sorunu gidereceğini belirttim. Ancak cimri olduğundan beni dinlemeyip Tahtakale’den fiyatı gerçekten ucuz bir makineyi sokaktaki bir tezgahtan aldı. Eve dönüp makineyi kullanmaya başladı. Ancak üç dört kez sonra makine horlamayı andıran bir gürültü çıkarmaya başladı. Beni telefonla arayıp ne yapması gerektiğini sordu. Ben de kendisine Tahtakale’ye gidip sorunu satın aldığı adamla paylaşmasını önerdim - tabii ki adamı bulabilirse. Çözemediği taktirde de daha önce söylediklerimi yineledim. Akrabamız Tahtakale’ye gidip adamı bulamayınca önceden önerdiğim markalardan birini satın aldı. Bunu babama anlattığımda dayanamayıp şöyle dedi: “El eskaso avansa tres, gasta kuatro / Cimri üç tasarruf eder, dört harcar”.
