Las luzes blus briyantes eliminan el melatonin. La kavza prensipal de no pueder durmir en las restriksyones del Covid, es ke no estamos tomando la luz del sol entre el dia, estamos lavorando aryento de kaza i la noche estamos utilizando muncho los enstrumentos elektronikos.
En la perioda del Covid no es de komer muncho ma, de tomar muncha luz las noches mos engodrimos.
El telefono mobil kon el kompyuter azen tomar kilos kuando se utilizan tadre las noches.
El sol fue muestra unika luz natural durante milyones de anyos. Kuando toparon la elektrisidad, las lampas entraron a muestra vida para aklarar las noches. Las noches, oras enteras estamos enfrente de la televizyon, debasho las luzes briyantes de la kamareta, djugando kon el telefono mobil i el kompyuter…
Lo ke es normal es ke, la sekresyon de la hormona del stres deve de ser demanyana i la hormona del esfuenyo ke es el melatonin, deve de ser la noche. Esto es el orden korekto.
Utilizar el telefono, el kompyuter todos los elementos elektronikos, i la luz blanka de kaza las noches azen tomar kilos a la persona.
En una istatistika echa en la universita de “Harvard” se topo ke la asukar (el diabet) en la sangre pujo en los ke se asentan debasho la luz briyante las noches.
Ke devemos de azer para protejarmos?
Este artikolo lo meldi en una revista. Komo vide ke ay detalyos emportantes ke enteresa muestra salud, lo traduizi i kije partajarlo kon vozotros keridos lektores.
