Su viaje tiene por buto tambien de entrevistar por "Paris-Soir" a Leon TROTSKY (Lev Davidovich Bronstein) egzilado, ke bivio en Büyükada.
Simenon, el Reporter-Fotografo, vijito munchos kontinentes i paizes. Arivo en 1933 para deskuvrir la sivdad kosmopolita ke izo sonyar eskrivanos, romansieros del oksidente.
El fotografo se maraviyo de Estambol, el kondjunto de la mar de Marmara, el Kuerno de Oro, la Grand Rue de Pera animada de tavernas, bares i kabares komo Maxim i la Patisieria Tokatlıyan.
A la okazion de la Frankofoniya, la Galeria de Notre Dame de Sion, Liseo Fransez, una ekspozision: DE LA BELJIKA A LA TURKIYA - 1931-1935.
La seleksion del eskrivano Beljikano, "CITOYEN DU MONDE" presento fotografias realizadas en el kuadro de reportajes de viajes, por la gazetas "Paris- Soir”, ets.
Sus livros fueron ovras ke influensaron el sinema amerikano i italyano desde los anyos 1932.
Los sineastos izieron akseptar difisilmente a Simenon la adaptasion al 7en arte.
El aktor selebre, JEAN GABIN, interpreto mas de una vez el dedektivo "MAIGRET", protagonisto del romansiero.
Unas fotos muy spesiales para mi, ke pasimos las vakansas en los anyos 1955, son, entre tantos:
1- La traversée Kadıkoy-Büyükada á bord d'un bateau a vapeur, Juin 1933.
2- Débarcadère de Büyükada, Juin 1933.
La koleksion de fotografias importantes de Georges Simenon, de negatives orijinales estan en la UNIVERSITA DE LIEGE.
Kon el patronaje de Mr. HENRI VANTIEGHEM, Konsul Jeneral de Beljika en Estambol i Mme. LIEVAIN VANTIEGHEM. Les rengrasiamos por la maraviyoza ekspozision, ke no manki de apresiar
