• Ay 40 anyos, ke los ijos eran dulses kon sus paryentes. Oy, los paryentes deven de ser dulses kon sus ijos para pueder kontinuar las relasyones kon eyos.
• Ay 40 anyos, todos keriyan tener kriyaturas. Oy, munchas personas se estan espantando de tener kriyaturas…
• Ay 40 anyos, los ijos respektavan sus paryentes. Oy, los paryentes deven de respektar sus ijos.
• Ay 40 anyos, konosiyamos todos los vizinos ke moravamos en el mizmo apartamento, mizmo en la mizma kaleja. Oy, estamos etranjeros a muestros vizinos. En el asansör estamos saludando ma el den frente no esta tomando el saludo.
• Ay 40 anyos, las personas deviyan de komer muncho, porke teniyan menester de la enerjiya por lavorar duro. Oy, mos estamos espantando de komer kozas yaglis, por modo el kolesterol.
• Ay 40 anyos, kazar era muy fasil i divorsar era difisil. Oy, esta difisil de kazar ma divorsar esta muy fasil
• Ay 40 anyos, los ke moravan en los kazales viniyan a la sivdad por topar echo i pueder lavorar. Agora, los de la sivdad se estan fuyendo del stress de la sivdad a los kazales para topar el repozo, i la pas.
• Ay 40 anyos, todos keriyan ser godros para tener un aspekto orozo. Oy todos estan en dieta.
• Ay 40 anyos, los rikos se mostravan komo proves. Oy, los proves se estan amostrando komo rikos.
• Ay 40 anyos, una persona lavorava para abasteser a toda la famiya. Oy todos estan lavorando para pueder engrandeser solamente un ijiko. Para pueder darle una edukasyon buena madre i padre estan lavorando komo esklavos.
• Ay 40 anyos, las personas meldavan livros i se ambezavan kozas muevas. Oy, las personas estan en el Facebook i meldando los mesajes del Whatsapp.
Resivi este mesaje realisto de una amiga i lo traduisi para partajarlo kon vozotros.
