Los ermanos de Binyamin, i partekularmente Yeuda, el garante de su padre. No se vana kontentar, kon presto, kon esta gresya, del podestador del ejypto. Enpesar alara amostrar sus valor, i sus baraganiya i Yeuda sovre todo, se mete a konversar kon Yosef kon buenas i kon malas i lede a entender. Ke kale ke se yeve sano a Binyamin ande su padre.
Alora, se konvensyo byen Yosef ke sus ermanos verdadmente se vana entregar a la muerte por uno de eyos. I ke esto demostra por uno de eyos. I ke esto demostra por siguro ke ya se tuvyeron repintido de lo ke izyeron kon el, i no puedyendo mas suportar, se dyo a konoser a sus ermanos kon munça fineza, i se abrasaron i yoraron, de parte i parte. Al punto tuvo para avizo, de esto los grandez del palasyo i se gustaron munço da saver ke sus podestador i rijidor es de una famiya la mas onorada del mundo i no es un ombre perdado a asklavo sigun pensavan fin agora.
Yosef les dyo regalos i dodives todos sus ermanos, para toda la famiya. I kon orden de Paro mando a sus ermanos. Kon karosas del palasyo onde Yaakov su padre por azerlo venir a misrayim. Para ke biva el resto de su vida kon repozo alado de su ijo Yosef.
Los ermanos de Yosef sin perdier tyempo se fueron todos a una muy alegres onde Yaakov sus padre. Sigun les enkomendo Yosef sus ermado de no darle avizo a Yaakov al punto, porke no le akontesyera un dezastre de la alegriya, i se la dişeron a SERAH la entenada de Aşer. Eya kon su entelijensa, se lo arizara a Yaakov de bueno manera. Ansi tuvo avizo por boka de Sarah ke Yosef esta bivo i ke el es el podestador del Ejipto. Yaakov no kijo kreyer a estas palavras.
Vyendo las karosas i los regalos ke le mando su ijo, se konvensyo por siguro ke es verdad lo ke le dizen. Se arebivyo su korason, se inço de alegriya Yaakov Avinu se determino de ir a misrayim verlo a Yosef, su entisyon era de tornar atras a la tyera de Kenaan. Yaakov Avinu sole de la tyera de Kenaan I se va kon toda su famiya a Misrayim Yosef se Ronkontra kon su padre, se bezan I se abrasan i yoran de alegriya. Kon orden de Yosef los izo. Morar a su famiya en tyera de GOŞEN.
