El Prezidente Peres denfendyo los 400 ninyos, ijos i ijas de  lavoradores klandestinos ke se topan aktualmente en Israel i kel governo aktual  kere ekspulzar.

El estima ke es inkonsevible de arrondjar 400 kriaturas ke nasyeron en el payis, ke avlan  perfektamente el Hebreo i biven komo Israelyanos. Sus ekspulsyon okazyonara muncho danyo a Israel, el mizmo.

Todo en deklarandose favoravle a una politika seryoza i rezya konsernando el problema de la lmigrasyon, el Prezidente se deklara kontraryo a mezuras de una severidad eksesiva..

Las multiples organizasyones Israelyanas ke ovran en favor de estos ninyos, saludaron kon antuzyasmo los komentaryos de Shimon Peres.