Un kolokyo muy interesante fue organizado  el 7 del mez koryente por la asosyasyon “Kadin Eserleri Kütüphanesi”, sovre el tema “Istanbul’da Farklı  Dinlere Mensup Kadınlar”, al kual  partisiparon debasho la direksyon de la moderadora “Gül Güngördü:

Dr. Kornilia Bayvertyan,  consernando la “Mujer grega durante el İmperyo Otomano”;

Melisa Çalımlı debasho del titolo “Istanbul’da Ermeni Kadın Yaşamlarından Kesitler, Anılar ve Izler”;

Prof.Dr. Aynur Koçak sovre el sujeto: “Yabancı Seyyahların gözlemleriyle 19. yy. İstanbulda Gayrı Müslim Kadın Folkloru”.

İ enfin  Karen Gerson  Şarhon avlo sovre “Türk Sefarad Kadınının Değişimi ve bunun bedeli”.

Al dezir de los ke asistyeron, la sesyon fue muy interesante  yena de kordyalidad i tambyen de humor. Muestra kolavoradora Esti Saul vos dara en la proksima edisyon del “Amaneser” un kuento rendido muncho mas detalyado a este sujeto.