Savyendo Moşe Rabenu ke los diyas ke le restaron de bivir son pokos. Sigun el orden del dyo, deve murir en esta tyera i no entrar a la tyera de Kenaan, mando a yamar a todo el puevlo de İsrael, enel Kuorenten anyo. Ke salyeron İsrael de Ejipto. Todo este tyempo estuvo avlando i dandose a entender kon el puevlo, i akavidando los ke perkuren por el sostenimyento de la relijyon ke solo kon esto es lo ke puese egzistir, el puevlo.

Enprimero fue traendoles a rekordo los pasajes ke pasaron dizde ke. Solyeron del ejitpo fin akel dia. Las ovras maraviozas ke izo el. Todo poderozo kon los ejipsyanos en favor de los cudyos. El diya tan gloryozo ke resivyeron la ley en el monte de Sinay kon akeja vista temeroza, los milagros i los pasajes temerozos ke pasaron enel dizyerto. La desgrasya de el bezero de oro. El mal, ke izyeron las doce eskulkadores. La Viktorya ke tuvyeron kon la gera de los dar grandes reynados SİHON i OG.

Despues les deklara toda la ley ke enkomendo el dyo, todas las kozas ke fueron ovligados de azerlas i las kozos ke les defendyo de azer. Los enkomendo ke no se tiren de ovedeser los komandos de la ley. Sintir a sus kaveseras, i sus giadores.

Despues les reprezento a Yeoşua bin Nun i les izo saver ke el es el ke va entrar en su luguar i los enkorajo ke entren a la tyera de Kenaan. Les izo espartir la tyera de Kenaan. Fikes a kada trivo el luguar ke deve ke tomar kon sus terminos.