Tsav

Rav Yeuda ADONİ Köşe Yazısı
25 Mart 2015 Çarşamba

La manera de la enkomendansa ke enkomendo El Kriyador a Aaron Akoen, sigun Rashi i munchos komentaryos demostran de ser akavidado en el sirvisyo de la santedad, de no ser haragan. Los enkomendansas i las echas buenas se deven de azer kon un grande antusyasmo. Aman ke kijo enmaleser a el puevlo Djudyo en ojos de Ahashverosh rey de Paras, le dize “egziste un puevlo entre nozotros ni a tus ordenes respektan, ni su doveres egzekuten.” Le kijo dizir; no tyenen antusyasmo por aplikar sus doveres.

İ Amalek vino a pelear kon el puevlo Djudyo kuando estavan floshas vizavi de las misvot.

Pero, kuando se aunaron a orasyonar par sus vidas i vidas de sus ninyos, se esperto Ahashverosh dizyendo ke le melden el livro de las membrasyones. Kuando nozotros azemos nuestros doveres kon un antusyasmo, El Kriyador devista nos ayuda. Ek El Kriyador ni durme ni adurmesse el guadrador de Israel.

Ser akavidozo kere dizir de no deshar lo ke deve de azer oy, al diya de amanyana. Aman mando kon prisa personas, a las sivdades de el pais Paras. Has ve Shalom por atemar a el puevlo Djudyo. Mordehay kon ayuda de El Kriyador trusho la salvasyon de kontino a el puevlo Djudyo. Trusho alegriya, luz i gozo a el puevlo Djudyo. El pasaje de Purim nos enbeza de tener la esperansa solo i solo en El Kriyador.

La santedad de Aaron poseda el puevlo komo esta eskrito en la perasha de Yitro; vozotros vaja ser reynado de Saturdes Koanim i cente santa. Komo en la perasha Tsav vemos ke Aaron deve ser akavidozo en sus misyones, ansi nozotros el puevlo Djudyo devemos ser akavidados, i afirmar las enkomendansas kon un grande antusyasmo.