NASO

Rav Yeuda ADONİ Köşe Yazısı
20 Mayıs 2010 Perşembe

En la bendisyon ke nos bendizen en los Koanim egziste sej (6) bendisyones.

Ad... te bendiga i te guadre. Aga alumbrar Ad... su kara sovre ti i te engrasye.

Alse Ad... su kara a ti, i poze enti pas.

El Koen ke se topa serka el Kriyador, por kavza de su misyon ke es de ayegar sirvisyos. (korbanot) siguramente, ke son resividas las bendisyones ke eyos nos bendizen. Komo es diço, persona ke es ojo arto es bendiço, tambien sus bendisyones son resividos.

En el Talmud es diço los Malahim (anjeles) le di?eron a el sinyor de el mundo: en la ley ke dates a el puevlo cudyo eskrive. Porke Ad... vuestro Dyo es Dyo de los dyozes, i sinyor de los sinyores Dyo grande poderozo, i terivle, ke no resive fares. Komo eskrivitos en la bendisyon de los Koanim “Alse Ad... sus fases a ti?”. El Kriyador responde dizyendo, komo ke no alse mis fares sovre el puevlo cudyo? Yo Les enkomendi dizyendo “vas a komer i te vas a artar i vas a bendizir a tu Dyo. Ma mi puevlo malgrado ke komen kantidad de una azetuna eyos no mankan de dizir Birkat Amazon (la beraha de despues de komer.)

No ay mas grande kualidad en la persona de ser ojo arto ke esparte de lo bueno ke le dyo el kriyador, a las ke poko tyenen. Ansi los koanim ke bendizen de la bendisyon ke les dyo el Kriyador a el puevlo cudyo.

En la bendisyon ke mos bendizen los koanim a nozotros, prononsas dizyendo te bendiga el Kriyador i te guadre.

El Kriyador bendize a los ombres a ken le da sensya, a ken rikeza. El savyo tyene un entronpeso de tomarse gaava (grandeza) por su sensya. El riko tyene myedo de pyedrer su rizeka. Ma el sinyor del mundo no basta ke le da a la persona su bendisyon i lo guadra de toda manera de entronpesos.

Despues ke meldamos en la pera?a los bendisyones ke nos bendizen las Koanim, para ke seyan resividos enfrente el Kriyador devemos ser prontos a resivir estas bendisyones sigun la enportansa ke damos a estas bendisyones el Kriyador nos da a abondansa nuestros dezeos. Nuestros savyos los bendisyones las asemejan a un riyo, el riyo onde topan luguar anço se inçe mas munço de aguas los luguares estreços toman mos pokas aguas. Dunke el Korason ke este mas serka de dyos resive mas munça bendisyon komo esta diço en un salmo de el livro de ‘Teilim’.

El ojo del Kriyador esta sovre la persona ke tyene temor de el, i espera a sus buendades.

La konosensya de savor ke el Kriyador es el manader de la bendisyon, es aserkar a resivir sus bendisyones.