Bereşit

Rav Yeuda ADONİ Köşe Yazısı
14 Ekim 2009 Çarşamba

El Dyo Kriyo todo el mundo, los syelos i la tyera i todo lo ke ay en eyos, en se? diyas.

En el diya sejeno, kriyo al ombre, Adam Ari?on i a Hava su mujer. Los metyo a eyos adriyento una guerta nombrada. Ganeden para ke la lavoraran i la guadraran. El Kriyador permetyo a Adam i su mujer de komer de todos los arvoles de fruto ke aviya en Ganeden, afuera del arvol nombrado Ets Adaat arvol de saver ke en komyendo de su fruto aze pujar las dezeos i los visyos del kuerpo. Ke le defendyo de Komer de el.

Hava la mujer de Adam Ari?on, se sonbayo de la vista ermoza de este arvol, i komyo de su fruto i izo komer de el i a su marido.

El Kriyador se ensanyo munço kon eyos porke pasaron su komando i los maldi?o, i los kito de Ganeden. El Kriyador les izo azer a Adam i su mujer unas kamizas de kuero porke se toparon sus kuerpos ke estavan deznudos.

Adam Ari?on tuvo dos ijos Kayin i Evel. Kayin se okupava del lavoro de la tyera arar i sembrar, i Evel se okupava de apasentar los ovejas.

Kayin i Evel tru?eron prezente a el Kriyador. Kayin tru?o de los frutos de su tyera de lo ke le vino a la mano.

Evel tru?o de los primeros nasidos i los mas ermozas de sus ovejas. El Kriyador amostro su kontentes de Evel i de su prezente i aba?o fuego de los syelos i kemo su prezente no estuvo kontente. Kayin se selo munço sovre esto i le guadro mal kerensya a su ermano.

Un diya estando solos Kayin i Evel en el Kanpo. Kayin mato a Evel su ermano. El Kriyador se ensanyo munço kon Kayin, le izo saver ke el ya supo lo ke izo ke mato a su ermano i lo maldi?o ke syempre se vaya de un lugar a otro i no tenga repozo.

Vido el Kriyador ke se muçiguo la malisya del ombre en la tyera, i todos los pensamyentos de su korason eran solamente malisya i maleçuriya. İ se arepintyo el Kriyador ke kriyo a el ombre, i se atristo munço. Dize el Kriyador de kitar de el mundo a el ombre ke el Kriyor. En esta epoka solamente Noah fue rengrasyado en ojos de el Santo bendiço el.