kanada REklam

REE

La perasha Ree enpesa kon el verseto REE NOHI NOTEN Lifnehem ayor Beraha… Yo vos esto dando oy a vosotros la bendisyon i la kontra: Si vash a sinter mis fueros i mis enkomendansas todos las bendisyones ke estan endikados en la Tora las vash a alkansar. Shelomo Ameleh en su livro Mishle dize: no es buena la persona ke sea haragan, i nos trae por prova a la ormiga ke es muy aguda. De enverano apareja su mantenimyento i el mantenimyento de sus chikitos. El haragan si ve en su kaza ke ay de atakanar alguna koza i lo desha de atakanarlo kavza muchos danyos a si i a su famiya. En tyempo ke esta todo barato no empleya lo ke tyene menester i se ovliga a merkarlo al avenir mas karo. Lo mismo es en aplikar las komandos de la ley i las mitsvot. Kuando estamos en frente de una mitsva por afirmarla de vista devemos firmarlo i no desharlo mas tadre. En Pirke Avot, meldamos: no digas kuando tengo tyempo lo ago. De syerto puede ser no vas a tener tyempo. Al tomar lihshepane eshne sheme lo tipane. Moshe Rabenu en la perasha Ree nos esta enkomendando de eskojer el kamino derecho ke nos amostra a nosotros el Kriyador. El kamino de la bendisyon ke nos da vidas de bivir. Dunke devemos venser a nuestro apetite el malo Yetser Ara i kaminar kon el doktrino de el yetser atov el apetite bueno kada demanyana en las berahot ke dizimos antes de tefila dizimos: vetarhikenu miyetser ara. Vetadbikenu beyetser atov aleshamos de el apetite el malo i apegamos kon el apetite el bueno estonses no azemos personas tov lashamayim vetov laberiyot, buenos kon el Kriyador i buenos kon la djente, buenos kon el Kriyador es de ser personas derechos djustos i onestos por razon ke semos keridos verso el Kriyador. Banim atem Lashem. Semos keridos verso el Kriyador.

Vinyendo verso la djente, devemos de ser djustos, no deshar sufrir a ningunos. Devemos de avrir nuestras manos a los menesterozos. De la bendisyon ke nos da el Kriyador devemos azer aprovechar i al ke non tyene. Tambien en la perasha meldamos las tres fyestas ke se vijitava el santuvaryo. Pesah, Shavuot i Sukot. De alegrarmos kon nuestra famiya nozotros i no olvidarmos de los menesterozos.

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın