Pekude

Rav Yeuda ADONİ Köşe Yazısı
6 Mart 2019 Çarşamba

En la perasha Pekude, no se mensyona a solamente a los savyos ke se entremetyeron en la fragua de la tyenda del plazo, mishkan, komo Betsalel i Aoliav si no ke lo dize ansi: Todos los ijos de Yisrael izyeron todo el lavoro de el santuvaryo. Komo esto dicha en el verseto: Komo enkomendo el todo poderozo a Moshe, ansi izyeron todo el lavoro de el santuvaryo. Komo está dicho en el verseto: “Komo enkomendo el Todo Poderozo a Moshe, ansi izyeron los ijos de Yisrael” todo el lavoro. El mishkan se fraguo para ke poze la divinidad entre el puevlo djudyo. Por kavza ke el eskopo era de azer una morada para la divinidad, devian de tomar parte el puevlo entero en este lavoro i no solo los muestros savyos solamente. Los maestros, los savyos estuvyeron en el lavoro, en la ovra i el puevlo kon sus dadivas jenerozas. El puevlo entero, enterval de lavoro, kon una buena entisyon akompanyaron a las lavorantes en este partikular. Komo la eksplika el savyo Malbim, el eskopo de las dadivas ke apartaron el puevlo era para ke poze la shehina, la divinidad a el puevlo entero, komo está dicho en el verseto: de kada varon ke envelunto su korason vash a tomar mi apartadura. La apartadura la mas valoroza es lo ke se da de alma i korason. Ma se topava entre el puevlo ke no posedavan una azyenda, mismo tyempo menesterozos. Ke no puedian dar, eyos akonpanyaron kon sus espritos dizyendo entre eyos, si teniyamos nozotros alguna azyenda, alguna rikeza, el santuvaryo entero lo aziyamos nozotros. El Todo Poderozo ke konose los korasones resivyo komo si eyos tambien partisiparon komo kada djudyo i djudyo. En el prensipyo de la enkomendansa de el mishkan es dicho: Azeme a mi un santuvaryo i morare entre vozotros. Kere dizir: Kada persona i persona deve de azer en su korason un santuvaryo ansi la luz de el Todo Poderozo va arelumbrar a el puevlo entero. Para afirmar los enkomendansas de la Tora, el eskopo deve ser la unyon de el puevlo. Lo Tora es dada a nozotros para el puevlo entero i devemos todos de afirmarla.

 

 

Siz de yorumunuzu yapın

Tüm Yorumları Görün