kanada REklam

Ke pensash sovre el Diya del Judeo-Espanyol

Oy vos kero eskrivir sovre dos sujetos. El primer es el Diya del Judeo-Espanyol / Ladino  ke vamos a fiestar el 10 del mez de Febrero. Lo estamos organizando de muevo en el Amram Oditoryum de muestra eskola en Ulus. Puedeser ke no es muy serka para los ke no tyenen araba. El anyo pasado del otopark ke es en mizmo tyempo serka de la estasyon del otobus se izo el transporto diya entero. Sin pensar di el bus del echo para ke sirva para este buto. Vos parese ke desidimos todo lo ke vamos azer? No es djusto. Este diya vos vamos ofreser una komida sefaradi. Ya se ke el anyo pasado por la primera vez toda la djente estuvieron kontentes de la komida ke sirvyeron kaynte para dosyentas personas. I este anyo estamos kon Robelyu i su patron Meir.

Este anyo el problem el mas emportante es de tomar la opinion de los mansevos ke estan en tres grupos de Whatsapp i ke azen un esforso para ambezarsen esta lingua. I estos mansevos son muy emportantes para mozotros i para el futuro de muestra lingua. Puedeser azemos las konferensias en la demanyana i despues de komer vamos a tener un filmo, syertos djugos ande mizmo los mansevos ke no konosen muy bien la lingua van a tomar savor i se van a englenear, un poko de muzika i uno o dos sketches. Tenemos reelmente munchas personas ke estan enteresados en azer una aktivitad.

 Si reushimos a trayer estos mansevos – vamos a demandar en primero - lo vamos a organizar en tomandolos en konsiderasyon. I eyos no se van a durmir. Ma todos mos vamos a englenear. Devemos de saver ke muestra lingua no es una lingua mursa (iç kapayıcı); mos achileya lo daryentro. No se ken va djugar? Ma el skech sovre los viajes (si se realiza) va ser la estreya del diya.

Estamos pensando a ken devemos de envitar del estranjero. Mizmo si puedemos dar karar en poko tyempo, puedemos anunsiar mizmo en el LadinoKomunita (es el medio el mas emportante en el mundo sefaradi). El anyo pasado izimos syertos esforsos para ke la djente partisipe mizmo del estranjero ma la situasyon politika no estava muy konvenyente. Ma vemos ke este anyo es kompletamente diferente i resivimos serka la mizma kuantidad de turistos ke tres anyos antes.

 Kreo ke en una o dos semanas vamos a dar karar i vamos a envitarvos.

 Empesi para avlar de dos sujetos ma el primer mos abasto, el segundo sujeto va ser el materyel de la semana ke vyene…

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın