En el artikolo de Silvyo Ovadya ke aparesyo en la pajina 17 en Judeo-Espanyol de vuestra gazeta de 15 Junyo 2016, los livros de los kualos el avlo (sin dar nombres de los livros o de la kaza de publikasyon) son livros ke apartenesen a Libra Kitab, kaza de publikasyon de la kual yo so uno de los fundadores i administradores. Es por esto ke mos sintimos ovligados de eskrivir esta eksplikasyon.
Los livros ke el sinyor eskritor avlo son los sigientes:
a) Zeynep Uçak, Selanik Mebusu Emanuel Karasu Hayatı ve Siyasi Faaliyetleri presio: TL 40.-
http://www.librakitap.com.tr/content/view/530/219/
b) Rıfat N. Bali (ed.), Jewish Journalism and Press in the Ottoman Empire and Turkey presio: TL 200.-
http://www.librakitap.com.tr/content/view/569/219/
1- Las razones de porke muestros livros son mas karos de livros ke son similares a eyos estan eskritas en muestro website. Mirad: http://www.librakitap.com.tr/content/view/463/226/
Malgrado esto, el sinyor eskritor no tomo estas eksplikasyones en konsiderasyon.
2- El presio del livro ke no se mensiono en el artikolo, el livro de Zeynep Uçak se esta vendiendo por 40 TL i no komo esta eskrito en el artikolo, 100TL. Inkluimos la faktura.
3- El sigundo livro mensionado del kual yo so el editor es verdad ke kosta 200TL ma este livro esta en inglez i en espanyol. Livros komo este ke estan en linguas estranjeras kostan lo mizmo komo livros similares de nivel akademiko. Lo ke el autor tiene ke azer es de mirar los presios de livros similares ke se publikan en Turkiya i en otros paizes.
4- El autor, sin dar nombre, kritiko la politika de koste de Libra Kitab i disho ke Gözlem Kitap va en serka publikar livros en Judeo-Espanyol i ke estos livros no se van a vender a presios egzajerados, al kontrario, se venderan a presios bastantes baratos para ke todos los puedan meldar. Estas remarkas fueron innesesarias, injustifikadas i leshos de ser elegantes. Toda kaza de publikasyon es libre de fiksar presios sigun sus kondisiones. Es innesesario de azer komparezones asi.
Kon respekto.
Libra Kitapçılık ve Yayıncılık Tic.A.Ş.
Rıfat Bali
