Ekspozision:
REPRESENTANDO LAS MENINAS
Orario vijitas:de lunes a shabat, de 11.00 a 19.00 h.
Entrada libre.
Diego Velazquez (1599-1660), pinto las Meninas en 1656, un kuadro ke desde el siglo19 avia alkansado una fama internasional i influensado numerozos artistos modernos o kontemporaneos (Goya, Picasso. Manuel Valdes. Jorge Oteiza. John Singer Sargent, Antonio Saura, ets.)
REPRESENTANDO LAS MENINAS es una ekspozision de kuadros prosedentes de la koleksion de la famiya Dalva i imajenes de artistas turkas ke fueron inspiradas asi mismo de la ovra de Velazquez. Una mostra de la kapachidad ke tiene una pintura klasika de segir jenerando ovras, komentarios i derivasiones varios siglos despues de ser realizada...
La ekspozision komisariada por Altan Marcelli, ke se mostra agora en Estambol viajara proksimamente tambien en Espanya.
Diego Rodrigues de Silva (Velazquez), pintor Espanyol nasio en Sevilla. Es el artisto preferado del Rey Felipe 4.
Es konsiderado komo el mas grande koloristo de todas las epokas. La mas grande koleksion de sus uovras se topan en el museo de PRADO.
Las senas relijiosas son remarkavles, ansi ke sus portretos.
Apolo en la Fragua de Vulcano (1630)
La rendición de Breda (1635)
Alkansa a su virtuosita unika kon LAS MENINAS, ande la LUZ i EL ESPASIO se remarkan maraviyozamente.
Esta ekspozision la dediki a maestros KERIDOS PADRES ke memoramos kon amor...
Sueto a todos los padres oy, el primer diya de enverano - 21 junio-muncha amistad, kerensia i amor kon vuestros keridos.
Para munchos anyos... KE NO MOS MANKEN DE LA MEMORIA...
