El Barrio Medieval de Girona i La Juderia Jewish History Museum

Esti SAUL Judeo-Espanyol
27 Mayıs 2015 Çarşamba

Al norte de Catalunya, la sivdad antigua de Girona fue fundada por los Romanos. Sus murayas medievales, CAROLINGIA, los banyos arabes i katedrales gotikas... estuvimos paseando en el pasado.

 

El Museo de Arte de Girona, CITY HISTORY MUSEUM, ke avrio sus puertas en 1981, abrita mas de 8,500 ovras ke van del periodo grego i su desvelopamiento, fin el 20. siglo.

En las oriyas del rio ke refleta sus pitoreskas fasadas de los barrios Judios, la mijor konservada de la Evropa: LA JUDERIA.

La ultima sinagoga se transformo en “JEWISH HISTORY MUSEUM. Es este muzeo manyifiko ke amostra komo bivian el puevlo judio en el tiempo de Catalunya Medieval.

La sivdad mos invito a peryermos en sus kayes istorikas ande bivieron muestros ansetros, antes mas de 500 anyos.

La ruta del fasinante artisto surrealisto Dali se vijita en Figueras.

Esta situado en el antiguo Teatro Munisipal, konstruido en el 19. Siglo, Despues ke fue destruido a la fin de la Gerra Sivil, sovre las ruinas, Dali desidio de krear un muzeo.

Sus ovras deskriven su trajekto, desde sus primeras eksperiensas artistikas:

İmpresionismo, Futurismo, Kubismo, ets.

Todo en un ambiante kreado por Dali sigun sus proprios parametros.

Vijitimos tambien a una ora de Barcelona, las montanyas de Monserrat i su maraviyozo Museo ke kontiene 6 koleksiones permanantes de arkeolojia i pintura.

***

Estos lugares interesantes se pueden deskuvrir kon otobus, grasias a la efikasita de Informasion Turistikas.