La peraşa Şofetim enpesa kon los biervos siguentes. Cuezes i alguaziles te pondras en todas tus sivdades ke El Kriyador tu Dyo te da en tus trivos, i cuzgaron al puevlo kon cuisiyo custo. Shelomo Ameleh en el livro Mişle dize: Los kaminos de la Tora son ermozos, i nos amostron a mozotros bivir enpas. Los kaminos de la Tora son ermozas, i nos amostran a mozotros bivir en pas. Los Kaminos de la Tora realiza la pas. El mundo se kriyo kon pas. El Kriyador kriyo el mundo kon agua i fuego. Komo puede ser doz kozas una kontra de otra, la agua i el fuego ke esten encuntos? De aki entendemos la Grandeza del Kriyador, la enpartansa ke da a la paz, a dos kozas ke son kontra de una a otra las acunto i formo el mundo. Kere dizir el mundo es sostenido sovre el simyente de la paz. El Kriyador aze la paz i no la manda de los alturaz. Tambien el nombre del Kriyador es ‘Şalom’ paz. La Tora nos trae a nozotros la paz. La persona ke se entremete en el estudyo de la Tora, konpra sonedad a su kuerpo i a su alma. Komo la disho David Ameleh en le livro de Teilim; La ley ke nos dyo El Kriyador es prinismo i aze arebivir la alma de la persona.
La misyon de los cuezes es de realizar la paz entre la cente, komo meldamos en el livro Pirke Avot el mundo se sostyene, sovre las verdades, sovre el cuisya i sovre la paz. Sin no ay cuisyo no egziste repozo en el mundo.
Una enkomendansa muy sakra meldamos en la peraşa de esta semana:
Vaza ser prinizmo kon El Kriyador. Kere dizir la kreyensa, i lo esperansa, solamente vaza tener en El Kriyador. El teva salvar, el teva ayudar en todo lo ke esperas i lo ke dezeyas.
La manera ke estas avlando deves de pensar. No es del todo derecho de pensar una manera i avlar otra manera. El korason i la boka deven de estar misma.
