Walt Disney (1901-1966) El Imperator del Mundo Fantastiko i de la Animasion

LA SİNEMATOGRAFİA

Esti SAUL Judeo-Espanyol
6 Ağustos 2014 Çarşamba

Uno de los 5 ijos de Flora Call i Elias Disney, Walt Disney nasio en Chicago en 1901. Frekuento jduntos su eskola i el Instituto de Arte de Chicago. A 16 anyos, aboandono i se inskrivio komo shofor de ambulansa por la Kruz Kolorada (Red Cross en Fransia, ande lavoro fina 1919.

Su inspirasion por el arte de la ANIMASION lo izo retornar a los Estados Unidos, para debutar a imajinar sus aktividades artistikas, en un chiko studio: el garaj de su tio.

“Alice Comedy”se planifiko i nasio en la mas grande parte en este garaj - juntos kon su ermano Roland, formaron el “Walt Disney Company”

Durante su vida, resivio 4 Premios Onorarios de la Academy, 22 Premios Oscar, de un total de 59 Nominasiones, inkluyendo en rekor de 4 Premios en el mismo anyo, aziendolo el ke gano lo mas Premios i Nominasiones de Oscar en el mundo. Resivio tambien 7 Premios Emmy. Resivio Grados Onorarios de Harvard i Yale, i de Ofisina de la Akademia de Fransia

La seria “True Life Adventure” resivio premios i supo trokar la mirada del ser umano sovre la importansa de protejar los animales ferozes.

En 1955 se kreo DISNEYLAND. Los 10 primeros anyos fue vijitado por 400 milyones. Presidentes, reynas i reyes, no mankaron de ser los vijitadores tambien.

El karakter de MICKEY MOUSE se imortalizo, komo su kreator fantasisto, el grande Walt Disney...

Disney, kon su arte de la animasion, los karakteres ke kreo, los lugares fantastikos, kontinua a ermozear el mundo lejendario de las kreaturas – i de los adultos tambien.