Matot

Rav Yeuda ADONİ Köşe Yazısı
16 Temmuz 2014 Çarşamba

En la perasha de Matot meldamos ke los trivos Reuven, Gad i medyo trivo de Menashe se aserkan a lado de Moshe Rabenu dizyendo ke eyos posedan muchidumre de ovejas. Si les permeteriya de no entrar a la tyera prometida, eyos keriyan fraguar sus kazas, i abrigos para sus bestiyas en la vanda de el Yarden, ke era afuera de la tyera de Kenaan. Moshe Rabenu se ensanya i les avla kon muncho sanya, dizyendo ansi izyeron vuestros avueles atras kuarenta anyos. Ke no kijeron entrar a la tyera de Kenaan el mizmo yerro kereş repetar vosotros?

Despues ke sintyeron este fuerte kastigeryo de la boka de Moshe Rabenu responden dizyendo: “nozotros va mos a gerar cuntos kon muestros ermanos despues ke kada uno de nuestros ermanos vana topar sus repozo vamos a tornar a nuestras kazas” i Moshe Rabenu aksepta sus dichas.

Kontan en los livros, un grande savyo kuando era kreatura una noche kon su konpanyero estudyaron asta la manyana. Kedaron durmyendo i a la manyana no sofueron a la Tefila. El haham se ensenya i los grita por ke mankaron de dizir sus orasyones. El un elevo era el inyeto de el haham le dize su konpanyero “por ke no le dishites a tu granpapa ke estudyimos asta la manyana.” Le responde dizyendo: On de puediamos topar la okasyon de sintir este valutozo kastigeryo. Ansi los trivos ke no kijeron entrar a la tyera de Kenaan no respondyeron a Moshe Rabenu i sintyeron el buen doktrino. Komo dize Shelomo Ameleh en el livro de Mişle:

“Ombre savyo estima el doktrino”.