El 4 del mez koryente “el Profesor Emeritus Haim Vidal Sephiha” resivyo la Medalya de plata dorada (Medaille Vermeille) de la Sivdad de Paris, de la mano mizma del governador Bertrand Delanoé, por su admiravle lavoro lenguistiko konsernando el analizis i la evolusyon del “Djudeo-Espanyol” i tambyen unos kuantos dias mas tadre, syempre por el mizmo sujeto, la Direksyon del Muzeo Judaico de Rio de Janerio le konsakro un inmenso homenaje.
Muestra alegria es grande i tambyen son grandes muestra gratitud i muestro respekto por el Profesor Sephiha ke mos aklara syempre sovre el kamino a segir en muestros esforsos.
