En unos kuantos mezes, del 7 asta al 12 Djulyo 2013, la Segunda Universidad de Enverano sera realizada en Paris por el Sentro Sefardi AKİ ESTAMOS ke en el espasyo de unos kuantos anyos, grasyas a su aktividad insesante, supo ganar munchos myembros de la komunidad Sefardi Franseza al interes por la kultura i los uzos i kostumbres de sus antepasados.
La Universidad del anyo pasado fue una real reushita, de la kuala me avlan ainda oy varyos amigos ke tuvyeron la oportunidad de asistir a sus festividades.
Este anyo el programa (ke sera publikado en totalidad en ‘El Amaneser’ de la semana venidera) parese ser ainda mas riko. Es la razon por lakuala konsejo personalmente a los myembros de muestra komunidad ke se toparan en Paris a esta data, de no mankar de asistir a este presyozo evento.
Komo todos lo savemos, “detras de una lingua se topa syempre una sivilizasyon”. No desharemos undirse en el olvido la de muestros antepasados.
