Segun lo ke mos ambeza “A.F.P.” (Agence France Presse) Israel instalo un hospital de kampanya en el Golan para kurar los feridos siryanos. Ansi, el mez pasado, onze kombatentes siryanos de la opozisyon resivyeron los primeros kudyos medikales, los ocho (8) ya tornaron a sus payis despues kurasyon, dos otros por kavza de feridas muy graves kedaron por el momento en Israel asta melezina definitiva, el onzen malorozamente no pudo sovrebivir a la gravidad de sus feridas. El Dyo aga ke Israel sea syempre dispensador de ayudo i melezina.
