El Profesor Dr. Haim Vidal Sephiha del kual durantes lungos anyos mos ambezimos la diferensya entre el termo “ladino” ke sinyifika traduksyon byervo por byervo del Ebreo relijyozo i el termo “Judeo espanyol” ke el sinyifika la lingua avlada kada dia por el puevlo, me mando el teksto de una misiva a este sujeto ke el resivyo de uno de sus admiradores, teksto ke mos azemos el plazer de transmetervos tekstualmente, tal ke lo resivimos:
“Bravo Don Vidal Sephiha. Todo esto ke dizes fue la razon de mis estudios del grego, latin, ladino i espanyol viejo, komo del ebreo i otras linguas semitikas. Meldi todos tus livros i kuantos artikolos, komo tanbien kuantos por Marius Sala i tomi el kurso independente kon Samuel Armistead, kuando fue profesor del espanyol en Filadelfia. Kon respekto,
Haim Sheynin,tanbien konosido komo “Jaime de Filadelfia”