Alüminyum Hurda Geri Dönüşüm

UN POKO de AYİ-3

UN POKO de AYİ-3

Esta semana tambien vamos a kontinuar el moabet ke ampesimos antes 2 semanas. Me esto akodrando, antes 3-4 anyos tengo eskrito un artikolo intitulado “ Deskuvrir los detalyos agradavles de la Vida”. Si reelmente lo keremos, los puedemos topar estos detalyos, a lo menos syertos. Es ke ay un metod? Un kamino?...No se si ay. Ma esto sigura ke kontentarse de su suerte, depende un poko de la persona eya mizma. De su komporto o mas egzaktamente, de su karakter, de su mentalidad, o su manera de konsever la vida.  Ansi penso yo, en observando mi entorno, desde anyos i anyos. İ esto me ambezo a tomar lisyones de los kavzos i eventos.

 Porke, asigun disho La Bruyere: “La mayoriya de los ombres emplean la primera partida de sus egzistensya, a render mizeravle la sigunda (partida)..” Bueno, keridos amigos, yo no esto tan pesimista sovre esto. Kero dizir ke no esto enteramente de la idea de La Bruyere. Porke, yo syempre pensi ke: “Si las trandafilas tienen punchones, los punchones tambien tienen trandafilas”.  Ay un proverbo turko ke dize: “Gülü seven dikenine katlanır”. El ke ama la trandafila, deve achetar i sus punchones. Ay una sinyifikasyon profunda en estas simples palavras. Oroza es la persona ke las entyende…Esto es el “Motto” miyo, mi Optimismo.

Viniendo al moabet de oy, la verdad, esta semana me esto konsiderando mazaloza sovre el sujeto de mi teksto. Devo kon sinseridad atorgar, antes de preparar mi artikolo estuve pensando dayinda kualo eskrivir. Ya es verdad ke teniya munchas ideas en la kavesa ma, no las estava pudyendo plasar una detras de otra!! Esto, ya me akontese de vez en kuando. Es el problema miyo!.

Entremyentes resivi un kurto mesaje en turko, en el kual me embiyaron un chiko teksto sovre Platon. En fakto son las repuestas del grande pensador “Platon” (Eflatun), a dos preguntas: La primera: “Kualos komportos umanos vos enkantan lo mas?” İ Platon respondyo uno a uno. İze mi posivle para tresladar sus repuestas sin peryer el sensyo sezudo. Dunke, el umano:

1-Se enfasyan de ser kriaturas i se apresuran de engrandesersen. Ma, muy presto se eskarinyan (bushkan) de sus anyos chikos.

2-Para ganar muncha moneda peryen la salud. Ma, gastan una fortuna para ganar de muevo sus salud.

3-Reselando el futuro se olvidan de bivir el diya prezente. De sorte ke no biven ni oy ni amanyana.

4-Biven komo ke nunka van a murir. Ma mueren komo ke no avriyan bivido del todo.

A la pregunta final “Alora, tu ke mos konsejas? El grande filozofo respondyo: “Lo importante en la Vida, no es  posedar lo mas muncho posivle ma, tener menester i kontentarse de pokas kozas..”.

Naturalmente no puedo saver kualo pensa el lektor sovre estas palavras. Ke komentaryos azen. Portanto devemos achetar ke ay una parte de realidad en estas linyas ke meldimos. Una realidad, ke mos aze pensar, mos pusha a azer un egzamen de konsiensya i mizmo una otokritika. Es esto ke sinti yo en meldandolas Kada uno, de una manera o otra, puedemos topar una parte de mozotros en estas palavras. 

Platon nasyo en los anyos 428 antes el Cristo. Filozofo de la ansyana Gresya, fue uno de los fondadores de la “Filozofiya Oksidental”, djuntos su maestro Sokrates i su elevo Aristoteles. Entre sus repuestas, la ke me intrigo fue la sigunda. Esta asemejando tanto al problema de muestra epoka!! Kedad en buena ora.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın