Alüminyum Hurda Geri Dönüşüm

UN POKO de AKİ, UN POKO de AYİ -1

UN POKO de AKİ, UN POKO de AYİ -1

Asigun lo dize i el titolo, mi teksto de esta semana no tiene un sujeto  espesifiko. Kon  este No. del Şalom, el lektor va arresivir i muestra revista “El Amaneser”, ande  va topar mi ultimo artikolo de la seriya Istoria…ets. Komo ya lo prechizi en mi lavoro, perkuri a topar lo mas posivle de dokumentasyon i enformasyon ke me ivan ayudar a kompletar mis bushkidades. Entremyentes topi la okazyon de meldar el No. de Septembre de “Gazete Beyoğlu” ke es una publikasyon mensual de la “Munisipalidad de Beyoğlu”.

En la pajina de “Kronolojiya de Eventos i Aktividades  de la 6.Daire-i Belediye syertas datas las kero transferar a esta oja. Datas ke, mas o menos las topi enteresantes. Ansi:

26 JULİO 1880- İnogurasyon del “Tepebaşı Bahçesi” (la Guerta de Tepebashi).

Mizmo anyo una mueva ola de imigrasyon a Galata, vinyendo de “Sakız Adası” (Khios).

1881- Anunsyo del tablo de revenidos-gastes de la 6.Daire, kere dizir de una populasyon de 200.000 personas i 33.000 domisilios, en una superfisiya de 7.5 km2. Mizmo anyo empeso la konstruksyon del Otel Pera Palas.

1882- Se anunsyo los shifros de la populasyon Non-Muzulmana de GALATA. (atansyon! Solo de Galata). Ansi: 17.589 Gregos- 29.559 Ermenis- 22.865 Djudios.

1883-Empesijo del “Orient Express a los viyajes “Paris-Estambol. En el Marso del mizmo anyo İnogurasyon de la linya de “Tramvay, 6.Daire - ŞişliTambien, se eskapo la konstruksyon del “Tünel Pasajı, enfrente la estasyon del primer Metro de Estambol.

1886- Shifros de la populasyon de “Péra: 148.070 Muzulmanos i 157.504 Non-Muzulmanos. En total, 315.000 abitantes.

1889- Vijita a Estambol  i Beyoğlu, del Emperador Wilhelm II de Alemania.

1890- Restorasyon de la “Sinagoga Kal Kadosh Galata” de la kaleja “Zülf-ü aris en Karaköy.  

1891- La kaleja Yazıcı Sokağı (oy se yama Serdar-ı Ekrem) ande aviya muncho terreno vaziyo, se avyo al “urbanismo” (imar). De sorte ke empeso una aktividad intensa de konstruksyon.

1892- El Otel “Pera Palas se inoguro kon los primeros viyajadores del “Orient Express.

Mizmo anyo se empeso la konstruksyon de los portos de Galata “Tophane- Ponte de Galata.

1893 - Los renomados “Ermanos Psalty”, avyeron el grande magazen de mobles i tapiseria. En el mizmo anyo pujo las keshas sovre el negro estado de las kalejikas atando “Péra a Galata (espesyalmente Yazıcı Sokak i Yüksek Kaldırım). Sovre esto, se tomo prekosyones… Se izo la inogurasyon “Ofisyel” del Otel Pera Palas.

Tambien en 1893 se empeso la konstruksyon de la “Sinagoga Tofre Begadim en Galata.

10 Julio 1894- Estambol bivyo el grande “Terretemblo, la rash ke paso a la İstoria komo “Büyük Hareket-i Arz o Zelzele-i Müthişe (Seismo terrivle)En el mizmo anyo, durante munchos mezes, en el kuadro de los sentros Péra- Galata i los kuartyeres vyejos de Estambol, 800 moradas fueron dezenfektadas kontra las epidemiyas de hazinuras kontajyozas  komo difteri, tifo i tifüs.

1894- la suvida al trono de Abdülhamit II, en Pera i Galata se selebro kon grande entuzyazmo….

 Keridos lektores, aki metyendo el punta final, ay probabilidades de toparmos otra vez para avlar un poko mas de aki,  un poko mas de ayi!!

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın