“La Sinkyena Edisyon de un mezmo livro enrikesido kada vez kon muevas formulas de komidas i muevos detalyos” es sin ningun dubyo una atestasyon probante de su Valor.
Un livro de gizado ke se amplifika kon muevos pastos i golores, los kualos se adjuntan a los ke ya figuravan desde el empesijo, es komo una maraviyoza bushkida ke evolua sin kedar i va syempre mas en profundor en su vizyon.
Ninguno deve enfoharse en un solo rekuerdo o un solo aspekto de kualkyer koza... Mas se bushka, mas se topa.
A kada vez ke un muevo teksto amplifikado aparese, Viki Koronyo i Sima Ovadya mos ayudan a topar no solo pastos i golores de muestra chikes, ma tambyen muestro pasado el mizmo kon sus reminisensya de la kalor familyal, del konsejo del padre o de la madre ke kijeron komunikarmos una verdad, la kuala no supimos o kijimos syempre entender en su tyempo, i ke en supito mos revyene al tino kon mas grande insistensya...
Un livro de gizado es despertador de vyejos rekuerdos raramentes ’tristes’ , la mas parte del tyempo ‘alegres’ i ansi sea syempre.
Mersi Viki, mersi Sima.