Alüminyum Hurda Geri Dönüşüm

Şevii Şel Pesah: EL PASAJE POR LA MAR RUVYA

El puevlo cudyo en estando en la sivdad nombrada Sukot, les apronto el Kriyador de una manera milagroza dos pilares; uno de fuego i uno de nuve ke iva adelantre de eyos. El pilar de fuego iva kon eyos la noche por arelumblarlos i el de nuve iva el diya por amostrarles el kamino. El segundo diya, diya de 16 Nisan enpeso a kaminar delantre el real, el pilar de nuve i el puevlo se fueron detras de el i pozaron a las kavos del dizyerto. El Dyo santo le enkomendo a Moşe Rabenu ke se tornaran atras de este kamino i ke apozen entre la mar ruvya i la forterisa de esta sivdad del Ejipto i los cudyos izyeron ansi.

Arivando a este luguar, se topa el puevlo en un estado muy perikolozo. El rey del Ejipto vyendo ke los cudyos tornaron de nuevo a este luguar penso ke estan mareyados en el kamino i no saven por ande ir i vinir. İ olvidandose Paro de todos los males ke pasaron por su kavesa se arepintyo de lo ke izo deshar ir a los cudyos de su tyera  i pedrer tantos esklavos i arekoje una armada muy fuerte, i va presigir a el puevlo cudyo i los alkansa en este luguar en sejen diya ke salyeron de Mistrayim.

Alora se topo el puevlo cudyo el mas grande dezespero i no savyeron lo ke azer.

Pero, el Todo Poderozo ya save lo ke aze. El le dize a Moşe Rabenu, ke diga a el puevlo cudyo ke no se espanten i ke enpesen a kaminar sovre la mar, i tu le dize a Moşe Rabenu, espande tu mano sovre la mar i partila i ke kamine el puevlo cudyo por la mar komo si fuera en tyera.

Moşe Rabenu izo el komando del Kriyador. El Kriyador apareja un ayre, se seka la mar komo si fuera tyera, en el empesijo de la noche setene, en el 21 Nisan entraron los cudyos dyentro la mar i pasaron por ayi myentres la noche entera, kaminando komo se kamina por lo seko.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın