Alüminyum Hurda Geri Dönüşüm

La Pasensya de Hillel

(Un KUENTO tomado del TALMUD)

La pasensya i sezudeza de Hillel eran proverbyal. Nunka se aviya visto este savyo doktor de la ley , ensanyarse (öfkelenmek). Asigun las rumores, dinguno aviya reushido a irritarlo. Afilu, dos ombres del pais, eskometyeron (bahse girmek) sovre este sujeto.

“Yo” disho el uno, “eskometo ke le va azer pyedrer pasensya”.

“İ yo” disho el otro, “eskometo ke no vas a pueder”.

El primer, dechidado a egzekutir su proyekto, eskojyo espesyalmente una tadrada de vyernez.

Saviya muy byen ke  Hillel, era partikolarmente okupado kon aparejos de  Yom  Shabbat. El  Rabino

sintyo sonar a su puerta i una boz dezagradavle (sevimsiz) gritando:

“Es ke Hillel esta aki?”

Ay de saver ke Hillel, era Nassi, un shef relijyozo i par konsekuensa, no era del todo derecho de interpelarlo (hitap etmek) de esta manera. Portanto, el doktor, no se ofendyo de esta insolensya (terbiyesizlik). A la kontra, se apresuro de avrir la puerta.

“Tengo una pregunta urdjente (acil) a demandarte” le disho el ke aviya sonado.

“Asenta” le respondyo Hillel muy amavle. “Esto pronto para sintirte. Dime lo ke keres saver”.

“Kero saver porke los Babilonyanos tyenen kavesas redondas” fue la pregunta del vijitador.

“Una pregunta reelmente enteresante”, repliko el savyo. “Sin dubyo, las komadres de Babilonya no saven enfashar los krios komo se deve”.

El ombre se alesho sin afilu rengrasyar el Rabino. Hillel, no dezeozo de kedar tadre, de vista kontinuo a vestirse. Ma, no pudo. Apenas aviya pasado unos, dos puntos, ke de muevo batyeron a su puerta. Sin iritarse, kon muncho kalmo avyo la puerta. I se topo otruna vez delantre la mizma persona. El ombre le disho a Hillel, ke teniya esta vez otra una pregunta muy, muy importante.

“Eksplikame porke razon los ke biven serka del dezyerto (çöl) tyenen la vista muy deteriorada” (gözleri bozuk).

“Esto deve de ser  porke biven en una rejyon bastante arenoza. Kontinualmente, el ayre les embiya la arena en los ojos i muy probavle ke esto, les gasta la vista”.

El estranyero, de muevo, sin un byervo amavle, sin dingun  rengrasyamyento (teşekkür) se fue. No abasta esto, travo la puerta kon grande brutalidad.  El Nassi Hillel, una ora mas antes kijo eskapar sus aparejos porke la ora estava avansando. Ma, no pudo. Por la tresera vez, la puerta fue batida, i de manera muy fuerte... Brutalmente… El doktor, kon su kalmo abitual, otruna vez la avyo. La mizma persona entro kon una grande insolensya (terbiyesizlik), sin afilu ser kombidado. Sin asperar, de vista demando al grande savyo:

“Dime porke los Afrikanos tyenen las plantas del pye este karar de yanas?”

“El dezeo tuyo de embezarte, reelmente merese alavasyon”, repliko el Rabino. “Es porke estas personas tyenen la manya de kaminar pye deskalso” respondyo el Rabino. El estranyero, vyendo ke Hillel estava dayinda kalmo no topava kualo dezir para ensanyarlo.

“Tengo munchas otras preguntas” disho kon birra. “Deves darme las repuestas”.

El savyo no pyedro su kalmo i le respondyo ke podiya demandar todo modo de kestyon. A kualo el otro repliko:

“Antes de todo, kero saver si reelmente sos Hillel El Nassi”.

“Si, mi amigo, yo so Hillel”.

“Bueno”, disho kon despasensya el ombre. Si tu sos Hillel, sueto ke no ayga munchas personas komo ti  en Israel”!

“Porke?”, demando Hillel, kon su kalmo abitual. Seriya ke sin kererlo, te ize algun danyo?”

“Si, ya me izites. Yo aviya eskometido ke te iva azerte inyervar, ma no reushi i pyedri”.

Hillel, no pudyendo impedirse de riir, respondyo “No es mijor ke tu pyedras , al lugar ke yo pyedra en İrritandome, lo ke es un grande pekado?”.

Contes et lejendes d’

Israel de  A.WEİL.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın