Alüminyum Hurda Geri Dönüşüm

Vayeşev

Entre todos los ijos de Yaakov, el mas savyo i entelijente de todos era Yosef el primer ijo de Rahel. I su padre seya por su entelijense seya por ke era regalado de su madre, lo amava mas ke a todos sus ermanos. I en sinyal de su amistad le izo una kamiza de una ropa muy ermoza. Lo ke no izo a ninguno de sus ijos.

Vyendo esto los ermanos de Yosef, entraron en selo kon Yosef, i lo aboresyeron munço.

Yosef, aun ke era muy savyo i entelijente se konteniya un poko sovre sus ermanos, vyendo de una parte ke el era mas entelijente ke eyos i de otra parte la amistad ke le mostrava su padre, mas ke todos sus ermanos.

En este enterval se sonyo Yosef dos suenyos. Los kualos demostravan ke el teniya ke ser Sinyor i podestador de sus ermanos. I el no se travo de kontarlos a su padre I sus ermanos.

Este konporto de Yosef no izo mas ke pujar el selo i la aboresyon de sus ermanos kon el.

Un diya, estando los ijos de Yaakov Avinu a paseando ovejes,en Şehem, kedraron mas tadre  en el kanpo i no vinyeron a kaza en su ora.

Yaakov, pensando no seya ke una sigun aksidente, le dize a Yosef ke vaya atraerle nuvelas de sus ermanos.

Yosef a un ke ya saviya ke sus ermanos le aboresiyan, kon todo no refuzo el komando de su padre, i se fue para Şehem.

Sus ermanos ke lo vyeron de leshos vinir solo onde eyos, les pujo mas akeya ora el selo i la aboresyon, i desidaron de kitarlo del mundo.

Sovre el konsejo de Reuven uno de los ermanos, de no matarlo kon sus manos i echaron a un pezo ondo vaziya ke aviya en akel kampo, despues deznudarlo i kitarle la kamiza fina ke le izo su padre en sinyo  de amistad. Todos los yoros i rogetivos de Yosef a sus ermanos fue sin ningun proveço.

Estando Yosef enel pozo, pasao por ai merkaderes ke vienen de Midyan i los ermanos la venden a Yosef a estas personas. De otro parte Reuven torno al pozo a kitar aYosef de ai ke el konsejo ke dyo a sus ermanos de echarlo a este pozo, fue kon esta entisyon de salvarlo a Yosef. Me malorazamente ke Yosef fue vendido por esklavo a Ejipto i el padre Yaakov Avinu yoro por su pedrita munchos anyos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın