Batya Natan

Vayetse

Despues de estar Yaakov 14 anyos en la kaza de Ever, se fue a Haran onde Lavan su tiya, sigun el komando de su padre i su madre. Tuvyendo avizo Esav ke Yaakov esta indose a Haran, manda a Elifaz su ijo ke la presigya en el kamino i ke lo mate.

Elifaz no manko de azer el orden de su padre i se fue kon muncha cente a presigir a Yaakov, El Dyo Santo estuvo en ayuda de Yaakov i se kontento Elifaz de deshar bivo a Yaakov en tomandole todo lo ke teniya i se torno a su luguar.

Ansi es ke Yaakov, lo pudo konvenser a Elifaz a ke lo deshara en vida.

Elifaz le dize a Yaakov su tiyo, mi padre me ordeno de matarte, no puedo pasar el orden de mi padre si no ke ovedeser. Yaakov le responde dizyendo: ay una palavra ke dizen -Ani Haşuv Kamet- El prove asemeja a el muerto. Dunke si me tomas toda la azyenda ke posedo, es komo me mataras. I elifaz toma todo la azyenda de Yaakov, torna ande su padre.

Yaaakov arivo a Haran, i vyendo a Rahel la ija chika de Lavan paseado en el kanpo las ovejas de su padre, se dyo a konoser kon eya, i tuvyendo avizo Lavan su padre, se lo yevo a kaza kon muncha kerensya. I estuvo en su kaza serka un mez. Entremyentes estuvo Yaakov paseando las ovejas de su tiyo en luguar de sus ijas. Lavan no kijo ke Yaakov lo sirvyera debaldez, se metyeron de akordo, ke sirvyera Yaakov kon sus ovejas 7 anyos i darle en paga a Rahel su ija por mujer.

Despues ke termino Yaakov sus 7 anyos kon las ovejas de Lavan sigun sus akordo, le demando a Lavan ke le dyera a Rahel por mujer sigun su kondisyon. Lavan ke era un ombre embrolyador i enganyador le dyo a Lea su ija la grande en luguar de Rahel. Este konporto de Lavan le desplazyo muncho a Yaakov i kedaron de akordo, kon kondisyon ke va lavorar Yaakov otro 7 anyos i Lavan le va dar a su ija chika, a Rahel.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın
1228