Alüminyum Hurda Geri Dönüşüm

El simeteryo de Versailles

El simeteryo de Versailles

El Rey Louis XVI estava de muy buena umor, partyendo kasar (avlanmak) en la shara de Rocquencourt. En kamino, uvo komo una konfuzyon entre los soldados de la guardiya real. La karosa se arreto kon bruskedad...

Kuryozo,  Louis XVI se aparo por la ventanika. Enkantado, vido kuatro aedados, estranyos, kon  largas  barvas blankas,  vestidos grizos  bastante grosyeros... Yevando ensima los ombros, una sedya, kon una levaya... Detras del kortejio funebro,  dos mansevos, en lagrimas, vestimyentas kaji arazgadas, en sinyo de dolyo. Un grupo, de aparensya oriental,  meldando una orasyon en una lingua ajena, estava avansando kon gravidad a pasos chikos.

El Rey trublado de esta aparisyon, kijo kitarse el chapeo en un djesto inveluntaryo i azer el sinyo de la croche. Demando eksplikasyones: “Su majeste ke me perdone por el retardo ke kavzaron esta djente. Ya les dishe a mis soldados de pasar en medio de este grupo de Djudios” le respondyo el kapo de guardiya.

 “Kualo? Djudios? “repeto kon enkanto el Rey. “Si Majeste. Un grupo de estos apikoros (dinsiz) vinyendo de l’Alsace,  tuvyeron la ozadiya de instalarsen en Versailles. Fabrikan objetos en oro i plata,   parfumeriya i  negosyan  vyejas vestimyentas... “Bueno, ke echo tyenen en esta shara?”, demando el Rey.

 “Asigun lo ke entendi de sus jargon tudesko, no keren enterrar sus muertos en el simeteryo Kristiyano. Komo no tyenen otro remedyo son ovligados de irsen a Paris, al simeteryo Djudio de Montrouge”.

“Poveretos!.. tyenen de azer ansi, tan largo kamino!..”respondyo el Rey. Su karosa  indose verso Saint-Germain, para  kasar, myentres ke el grupo de Djudios kontinuo a pasos avagarozos verso Paris, kompletamente dezenteresados del enkontro kon el Rey de Fransiya, tan “embafados” (aryento) del dolyo.

Verso la tadre, el Rey i su korte (saray maiyeti) estavan  retornando a Versailles. En esto, un arrekojimyento de personas, akompanyados de un grupo de papazim, dyeron kamino a la karosa del  Rey.  Ma, el sovereno ya tuvo el tyempo de apersevir un serkolyo ornado de una manera somtuoza.

 “Es el enterramyento de un riko  de la rejyon” ekspliko el ofisyer. El Rey no respondyo ma estava komo pensativle (düşünceli). Noche entera, estuvo djignisheando kon sonyos funebros. Demanyana yamo  a su ministro De Malherbes. Le dyo a entender los penseryos ke tuvo a la vista de  enterramyentos tan diferentes, tanto kontrastando...

“Si todos los Fransezes son mis ijos, deke la diferensya de relijyon deve ekskluir  (dışlamak) una partida de mis sujetos?”... Despues de esta konversasyon, por primera vez, se organizo una enkuesta para  demandar la manera de  pueder  mejorear la vida de los Djudios de Fransiya. La Istoria konservo estas palavras de Louis XVI:

 “Monsieur De Malherbes, nasitesh Protestante,  yo vos esto azyendo Djudio!”..  De Malherbes, syempre protektor de los derechos umanos, rengrasyo el Rey por este djesto,  preva de favor. Estava kontente de pueder partisipar a la reparasyon en favor  de los Djudios Fransezes.

El Rey adjusto: “Vos rogo de okuparvos tambyen, de dar a los Djudios de Versailles, un pedasiko de tyerra para enterrar sus muertos. Si no ay bastante terreno, al menester, ke tomen de mi parko real!”..Este akto manyifiko fue kumplido. Los Djudios del mundo, vijitando el Chateau de Versailles, se van akodrar kon rekonosensya del Rey Louis XVI  i su ministro De Malherbes...

Los Djudios de Alsace embiyaron Cerfberr a  Versailles komo sus reprezantante, para solisitar  Louis XVI en sus favor. En la sala, Cerfberr tuvo ke asperar muncho. Ampeso a meldar la MİNHA antes de eskureser, en un kanton del salon. No sintyo el responsavle dizyendole ke el Rey lo estava asperando. Cerfberr sin dar importansa a la sanya (öfke) del ombre, kontinuo su orasyon. Kuando fue  admetido delantre del Rey, le disho: “Ay uno solo mas grande ke Su Majeste, es el Todo Poderozo. Es al lado de EL, ke estava yo”.

Louis XVI,  konosyendo el patriotismo de Cerfberr ansi ke el atamyento a su Fey,  acheto sus eskuzas i su solisitasyon (rica, maruzat) en favor de los Djudios…

 

“Contes et Légendes d’Israel”

 

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın