Batya Natan

Beaaloteha

 

En la peraşa Beaaloteha meldamoz la misyon ke le dyo el Kriyador a Aaron Akoen de okuparse de la Menora de el mishkan. El Sinyor de Rashi eksplika dizyendo: La razon ke vino, este perasha despues de los korbano ke izyeron los prezidentes de los trivos en el estrenamyento de el mişkan es: Aaron Akoen kuando vido, ke el no tomo parte en la estrenadura de el Mishkan se atristo i disho, por seguro ke el Kriyador no lo perdono por el akto de el bezero de oro.

El kriyador por afalagarlo le dize: yo te vo dar una misyon muy sakra de okuparte de la menora. Korbanot egziste todo tyempo ke el sontuvaryo (mishkan) egziste, ma la menora va ser dekontino ke el puevlo cudyo va ensender en la fyesta de Hanuka.

Despues ke meldamos en la perasa todas la reglas tokante a los Leviim vemos ke una porte de el puevlo cudyo posan una ketsiyon a Moshe Rabenu: dizyendo ke en 14 Nisan ke deviyan de azer el Korban Pesah visto ke estavan enkonados, no lo pudyeron azer eyos ke deviyan de azer?

Les responde Moshe Rabenu dizyendo paradvos i sinti kualo enkomendara el Kriyador sovre este sujeto.

Moshe Rabenu pregunta La kestion a el Kriyador İ el responde dizyendo una persona ke estuvo enkonado, o en kamino leshos i no pudo ayegar el Korban Pesah en su tyempo, ayegara el Korban Pesah kon todas su reglas en el 14 İyar custo un mez despues.

En este entervalo Miryam avla kontra Moshe Rabenu, el kriyador la apena kon lepra, Moshe Rabenu roga a el Kriyador por su melizina i se melizina Miryam ermana de Moşe i Aaron.

En la peraşa meldamos tambien ke karar de umilde era Moşe Rabenu i el varon Moşe era umilde mas ke todo.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın
1237