Aktualmente,la Bibliografiya sovre la SHOA es abundante. De diya en diya esta renovelandose kon nombrozos lavoros de los investigadores.

" />
Alüminyum Hurda Geri Dönüşüm

Aserkandose “YOM HASHOA” publikasyones

Aktualmente,la Bibliografiya sovre la SHOA es abundante. De diya en diya esta renovelandose kon nombrozos lavoros de los investigadores.

Aserkandose “YOM HASHOA” publikasyones

Aki devo nombrar Albin Michel, la kaza de edisyon ke komo de uzo  oganyo tambien edito un shifro importante de lavoros konsernando la Shoa i el Judaizmo. Albin Michel fue el primer editor  fransez a ampesar una koleksyon sovre este sujeto poko despues la Shoa. La koleksyon se enrikesyo de una mueva seriya ke me esto propozando de azer konoser una partida, mizmo si va ser en rezume. Komo syempre, en esta koleksyon mueva ay Istorya, memoryas i dokumentos i un lavoro sovre  la Istorya de la “Rezistensya Djudia” myentres la okupasyon de la Fransiya por las fuersas alemanas.

Por ampesar vamos a konoser el lavoro intitulado “Jamais nous ne retournerons dans ce pays” (Nunka retornaremos a este pais). Se trata de un ancho dokumento editado por Uta Gerhardt i Thomas Karlauf . Un lavoro ande  los sovrebivientes (en una manera los puedemos konsiderar komo talos) estan relatando i kontando. Entre eyos ay avokatos, industriales, komersantes, universitaryos, ensenyantes ets... Eyos fuyeron de la Alemanya... Una Alemanya devenida loka... Este pais por elkual, syertos aviyan kombatido en los frontes de la Primera Gerra Mundial. I afilu por anyos, fueron konvensidos (o preferaron kreer ansi) ke estas tyerras ande biviyan, eran la “Pota” de una lejendarya “Simbiosis” Judeo-Alemana...

Ma esto todo enduna se derroko el 9-10 Novembre 1938, en el djigante “pogrom” del “Kristallnacht” (la Noche de Kristal)... Se derroko kuando eyos  vyeron el puevlo enlokesido, enkavesodo  por los Nazistos.. Kuando vyeron  sus negosyos pillados, echos “yağma”, sus Sinagogas en fuego, sus moradas destruidas... I esto todo en una  kompleta “impunedad” (aktos, krimenes ke kedan sin punisyon).

Unos, kuantos mezes despues, tres investigadores de la Harvard University, par el intermedyaryo de la New-York Times, konvokaron las viktimas de akeya nochada terrivle i les demandaron de testimonyar. Los tekstos de testimonyo son komo la refleksyon de la terror de los djudios reskapados de akeya tempesta... Estos djudios dayinda no se pudiyan afilu imajinar las orores ke un puevlo iva konoser. En las entrevistas munchos aviyan deklarado preferar supozar ke akeya nochada era una “Eksplozyon” pasajera de salvajeriya...

Los malorozos estavan leshos de imajinar ke las vizyones a kualas aviyan sido testigos en Novembre 1938, era un empesijo... Ke eran el presipyo de una trajediya inimajinavle, un “Genocide” sin presedente en la Istorya del puevlo ebraiko.. El dosye kompuesto kon las deklarasyones de los konvokados, kedo inedito dyezenas de anyos. Va kedar komo la evidensya eternal de la desfecha de la sivilizasyon, la falita del umanizmo...

El sigundo lavoro es un livro del istoryano Daniel Tollet, intitulado “Etre Juif en Pologne” (Ser Djudio en Poloniya). Mil anyos de Istorya Judeo-Poloneza: de la Era Medyana al anyo 1939. Es porke los djudios kijyeron,  ke pudyeron integrarsen en Poloniya i ke sus Istorya no se puede apartar de la Istorya de este pais. Tambien, es porke fueron nombrozos a instalarsen ayi ke la Istorya del pais es atada a la Istorya de estos djudios.

Kualas fueron las kondisyones ekonomik, kultural, politik i relijyozas ke permetyeron la “prezensa djudia” en Poloniya??... Komo la situasyon ampeso a deteriorarse despues la ola de Antisemitismo Evropeo de la fin del XIX. Siglo?? El istoryano Daniel Tollet en su lavoro de “sinteza” esta respondyendo a nombrozas kestyones  aprovechandose de muevos manaderos istorikos ke pudo alkansar solamente despues la fin del rejim komunisto...

(a kontinuar)

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın