En el espasyo de una kolavorasyon kultural i akademika entre Estambol i Marsilya, i sovre baza del projeto elaborado por “Çekül Vakfı’’ kondjuntamente kon el “Bureau des Compétances et désirs’’ una egzibisyon de fotografias konsernando las dos grandes Sivdades, la una Turka la otra Franseza, fue organizada a partir del 10 asta el 17 Marso en lo ke era el lokal del vyejo Orno de Matsa serrado antes dos anyos i situado en Şair Ziya Paşa Yokuşu No 13 en Kuledibi-Galata.
Es realmente una grande alegria de ver ansi ‘’la valorizasyon de vyejos lokales’’ aktualmente sin ninguna utilidad komunitarya i abandonados al deskaimyento inevitavle.
